Yowanane 10:5 - MUKANDA WA MYIDI MUKULU

⁵ Kadi kayena mua kulonda muntu udiyi kayiyi mimanye. Neyimunyeme kule, bualu kayena mimanye diyi diende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kadi kayena ilonda muntu wa bende, neimunyeme, bualu bua kayena mimanye dî dia bantu ba bende.

Yowanane 10:5 交叉引用

Didimanyisha 2:2

Ndi mumanye bionsu biudi muenze. Ndi mumanye muuvua mukuate mudimu bikole, mulame kabidi lutuulu. Ndi mumanye muudi ubenga benji ba malu mabi. Uvua mutete bavua badiamba ne: tudi bapostolu, pabu kabayi bapostolu. Wewe kujandula mudibu bena dishima.

Marke 4:24

Yezu kubambila kabidi ne: — Nuadimuka panudi numvua bualu! Mvidi Mukulu neanupime ne tshipimu tshinudi nupima natshi bakuabu, nebanusakidile tshikuabu kabidi.

Nsumuinu 19:27

Muananyi, wewe mulekele kuteleja badi bakubela, neupue nansha bidibu bamane kukulongesha muoyi.

1 Yone 2:21

Nanku tshiena nnufundila, bualu nudi bapange bulelela to. Ndi nnufundila, bualu nukadi babumanye. Nudi bamanye kabidi ne: bulelela kabuena mua kulela dishima nansha dimue.

1 Bakalenga 22:7

Kadi, mukalenga Yosafate kumukonka ne: — Munemu, kamuena muambi mukuabu wa Maweja-Nangila utudi mua kuebeja anyi?

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

Luke 8:18

Nuikale ne ntema, nuteleje bimpe! Bualu udi ne tshintu, neapete bipite. Kadi udi kayi natshi, nebamunyenge bikese bidiye wela meji ne: ndi nabi.

Yowanane 10:4

Yeye mumane kuyipatula yonsu, udi wenda kumpala kuayi. Yoyi idi imulonda munyima, bualu idi mimanye diyi diende.

Yowanane 10:16

Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue, tshikale ne mulami amu umue.