Yowanane 1:15 - MUKANDA WA MYIDI MUKULU

¹⁵ Yowanane ke uvua muambile bantu bualu buende. Uvua muele diyi dikole ne: — Yeye ewu ke umvua muambe ne: “Muntu neafike panyima panyi udi muntambe meme, bualu kabayi banji kundela, yeye ukavuaku.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yone wakambila bantu bualu buandi, wakela dî bikole ne, Kayeu unakuamba ne, Ulualua ku nyima kuanyi udi muntambe, bua yeye wakadiku ku mpala kuanyi.

Yowanane 1:15 交叉引用

Matayi 3:11

Meme ndi nnutua mu mayi bua nukudimune nsombelu wenu. Kadi udi undonda panyima, neanutue mu Mueyelu wa Tshijila ne mu kapia. Yeye udi ne bukole, mumpite meme. Meme tshiena mukumbane nansha bua kumukopola bisabata biende.

Kolose 1:17

Kristu uvuaku, bintu kabiyi bianji kuikalaku. Bintu bionsu bidi bishala muaba wabi, amu munda muende.

Yowanane 17:5

Tatu, mpindiewu umpeshe ku mesu kuebe butumbi bumvua nabu kabayi banji kufuka buloba.

Luke 3:16

Kadi Yowanane kubambila bonsu ne: — Meme ndi nnutua mu mayi. Kadi udi mumpite meme ku bukole, nealue. Meme tshiena mukumbane nansha mua kumukopola bisabata. Yeye neanutue munda mua Mueyelu wa Tshijila, ne mu kapia.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Yowanane 8:58

Yezu kubandamuna ne: — Ndi nnujadikila ne: kabayi banji kulela Abrahame, meme “ndi mundi”.

Didimanyisha 2:8

— Fundila mutumibue wa Tshisumbu tshia bena ditaba ba mu Smirna ne: “Wa kumpala ne wa ndekelu, uvua mufue, kadi mupete tshiakabidi muoyi, udi wamba ne:

Ebrewu 13:8

Yezu Kristu udi momumue makelela, lelu ne tshiendelele.

Yowanane 1:27

Udi ulua panyima panyi. Kadi tshiena nansha muakanyine kusulula nshinga ya bisabata biende.

Marke 1:7

Uvua umanyisha bantu bavule ne: — Kudi muntu udi undonda meme mu nyima, udi mumpite ku muanzu. Tshiena nansha mukumbane mua kuinama, bua kusulula nshinga ya bisabata biende.

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Nsumuinu 8:22

Maweja-Nangila wakadianza kumfuka ku kale, kumpala kua bintu bikuabu bionsu.