Yoshua 8:31 - MUKANDA WA MYIDI MUKULU

³¹ Uvua muase tshilambuilu atshi, anu mushindu uvua Moshe, muntu wa Maweja-Nangila, muambile bena Izrayele. Mushindu uvuabu base tshilambuilu bavua bamane kuufunda mu mukanda wa mikenji ya Moshe. Bavua bafunda ne: Tshilambuilu tshikale tshiasa ne mabue kaayi masonga ne tshiamu to. Nenku bavua balambuila Maweja-Nangila milambu ya kuosha ne ya bobumue pa tshilambuilu atshi.

Mukanda wa Nzambi Dihungila Dikulukulu ne Dihungila Dihia-dihia 2003

³¹ bu muakambila Mose, muntu wa Yehowa, Bena Isalele, bu muakafundabo mu mukanda wa mikenji ya Mose; bakasa tshioshelu ne mabue adibo kabayi banze kusonga ne biamu; bakafidilahu milambu ya kuosha kudi Yehowa ne milambu ya kuvuisha nʼai ditalala.

Yoshua 8:31 交叉引用

2 Kulondolola 35:12

Kusungulabu nyama mikuabu, nangananga ngombe milume idi bena Izrayele ne bua kulambula Maweja-Nangila bu mulambu wa kuosha, bilondeshile meku abu, anu bu mudibu bafunde mu mukanda wa mikenji ya Moshe.

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.

Ekesode 24:5

Pashishe, Moshe kutuma nsongalume ya bena Izrayele, bua kuoshila Maweja-Nangila nyama mijima, ne bua kumulambula ngombe milume, bua mulambu wa ditua ndondu.

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Matayi 12:26

Pikala diabolu wipata badi bende, udi udiluisha nkayende. Nanku bukalenga buende nebutungunuke bishi?

Nehemya 13:1

Mu tshikondu atshi, bavua babadila bantu bonsu mukanda wa mikenji ya Moshe. Dituku dikuabu kubalabu muaba uvuabu bafunde ne: Bena Amone, kabidi ne bena Mowabe, kabena mua kubuela mu tshisumbu tshia bantu badi batendelela Mvidi Mukulu to.

Ezela 6:18

Kusungulabu kabidi batuangaji ne bena Levi, bua benzele Mvidi Mukulu mudimu mu Yerushalayime, ku tshisumbu ku tshisumbu, bu mudibu bafunde mu mukanda wa Moshe.

2 Kulondolola 25:4

Kadi kavua mushipe bana ba bantu bavua bashipe tatuende abu to. Bualu Amashiya uvua unemeka bivuabu bafunde mu mukanda wa mikenji ya Moshe. Maweja-Nangila udi wambamu ne: “Kabena mua kushipa baledi bua bubi bua bana babu, nansha bana bua bubi bua baledi babu. Badi mua kushipa muntu amu bua bubi buende yeye.”

2 Bakalenga 22:8

Shafane mumane kuambila Ilkiya, mutuangaji munene, bionsu abi, Ilkiya kumumanyisha bua mukanda wa mikenji uvuaye muangule mu nzubu wa Maweja-Nangila. Kupeshaye Shafane mukanda awu. Shafane mumane kuubala,

2 Bakalenga 14:6

Kadi, kavua mushipe bana ba bantu bavua bashipa tatuende abu to. Bualu Amashiya uvua unemeka meyi adibu bafunde mu mukanda wa mikenji ya Moshe, adi Maweja-Nangila wamba ne: “Kabena mua kushipa baledi bua bubi bua bana babu nansha bana bua bubi bua baledi babuto. Kadi, badi mua kushipa muntu anu bua bubi buende yeye.”

Dielulula 27:2

Dituku dinuasabuka musulu wa Yardene, bua kubuela mu ditunga didi Maweja-Nangila Mvidi Mukulu wenu munupe, nuimanyike mabue manene, nualabe lupemba.

Dielulula 27:8

Mikenji ayi, nuyifunde yonsu bimpe ku mabue anuvua bimanyike bua bayibale kakuyi lutatu.