Yoshua 6:22 - MUKANDA WA MYIDI MUKULU

²² Yoshuwa kuambila bantu babidi bavua batentekela tshimenga tshia Yeriko ne: — Ndayi kua Rakabe, mukaji muena tshiendenda. Numupatule mu nzubu amu ne bena diende bonsu, ne bapika, bu munuvua bamane kuditshipa kudiye.

Mukanda wa Nzambi Dihungila Dikulukulu ne Dihungila Dihia-dihia 2003

²² Yoshua wakambila balume babidi bakaya kutentekela buloba ne, Yai bienu mu nsubu wa mukashi au muena tshiendenda, nulue ne mukashi ne bintu bionso bidiye nʼabi, bu munu akadi tshiha kudiye.

Yoshua 6:22 交叉引用

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Yoshua 6:17

Tshimenga etshi netshibutuke ne bionsu bidimu, bualu mbintu bia kulambula Maweja-Nangila. Nulekele amu Rakabe, mukaji muena tshiendenda, ne muoyi, yeye ne bantu bonsu badi mu nzubu muende. Bualu uvua musokoke batentekedi betu batuvua batume.

Yezekiyele 17:16

Meme Maweja-Nangila Mvidi Mukulu wa muoyi, ndi nditshipa ne: “Mukalenga ewu neafuile mu ditunga dia mukalenga uvua mumuteke mu nkuasa wa bukalenga. Bualu kavua munemeke mitshipu iwaye muditshipe, kabidi uvua munyange ndondu uvuabu batue nende. Nanku neafuile anu mu Babilone.

Yezekiyele 17:13

Uvua mukuate kabidi muntu wa mu diku dia bukalenga, mutue nende ndondu, umulombe kabidi bua aditshipe bua amuitabe. Uvua mumushe kabidi balombodi bonsu mu ditunga,

Misambu 15:4

Udi upepeja badi Mvidi Mukulu udiwula, unemeka badi bitaba Maweja-Nangila. Yeye mutule diyi udi udikumbaja, nansha yeye mufuane kujimija bidiye nabi.

2 Samuele 21:7

Mukalenga Davide kufuila Mefibaale, muana wa Yonatane, muikulu wa Shawule luse, bualu uvua mumane kutua ndondu wa bulunda ne Yonatane mu dina dia Maweja-Nangila.

2 Samuele 21:2

Mukalenga Davide kubikidisha bena Ngibone bua kuyukila nabu. Bena Ngibone kabawa bena Izrayele to. Bavua bena Amone bavua bashala ne muoyi, bualu bena Izrayele bavua babalaya ne: katuena mua kunushipa to. Kadi pavua Shawule ukeba kusankisha bena Izrayele ne bena Yuda, uvua ukeba kubutula bena Ngibone.

Yoshua 9:15

Yoshuwa kutua nabu ndondu mu ditalala, ubajadikila ne: katuena tunushipa to. Ke balombodi ba bena Izrayele kuditshipa, bajadike ndondu awu.

Yoshua 6:23

Batentekedi kuya ku nzubu wa Rakabe. Kumupatulabu ne baledi bende, bana babu ba balume, ba bakaji, ne bena diku diabu bonsu. Kubalamabu muaba musunguluke uvua kauyi mu mitanda ya bena Izrayele to.

Balombodi 1:25

Muntu awu kubaleja muaba wa kubuelelabu. Ke muvua ndelanganyi ya Efrayime ne ya Menashe mibuele mu tshimenga atshi, mitshibutule kabidi. Kadi ki mbashipe muntu awu, nansha bena diku diende.