Yoshua 21:45 - MUKANDA WA MYIDI MUKULU

⁴⁵ Nenku malu onsu awa Maweja-Nangila mulaye bena Izrayele, kukumbana. Kakuvua bualu nansha bumue buvua kabuyi buenzeka.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ Kabakahanga tshintu tshimpe tshimue tshiakalaya Yehowa Bena Isalele; bakaheta bintu ebi bionso.

Yoshua 21:45 交叉引用

1 Bakalenga 8:56

— Ndi ngela Maweja-Nangila tuasakidila. Yeye ke udi mufile ditalala kudi bantu bende bena Izrayele, bu muvuaye mubalaye. Maweja-Nangila ke udi muenze bionsu ebi bua kujikija bivuaye mulaye mukana mua muntu wende Moshe.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

1 Tesalonike 5:24

Mvidi Mukulu uvua munubikile, neakumbaje bivua-ye mulaye, bualu udi muena diyi dimue.

1 Korente 1:9

Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Yeshaya 48:3

Mvua munumanyishe kale malu avua ne bua kuenzeka. Mvua munulayewu, mvua munumanyishewu. Pashishe musangu umue meme kuakumbaja!

1 Samuele 3:19

Samuwele kukola, Maweja-Nangila uvua amu nende. Bualu buonsu buvua Samuwele wamba mu dina dia Maweja-Nangila, Maweja-Nangila uvua amu ubukumbaja.

1 Bakalenga 8:15

Pashishe, kuambaye ne: — Ndi ngela Maweja-Nangila Mvidi Mukulu wa bena Izrayele tuasakidila! Yeye nkayende ke udi mukumbaje bionsu bivuaye mulaye tatu wanyi Davide. Uvua mumuambile ne:

1 Bakalenga 8:20

Nanku, Maweja-Nangila ke udi mukumbaje bionsu bivuaye mulaye. Meme ndi mupingane tatu wanyi Davide mu bukalenga. Ndi musombe mu nkuasa wa bukalenga wa bena Izrayele, bu muvua Maweja-Nangila muambe. Ndi muibake nzubu ewu wa tshijila wa Maweja-Nangila Mvidi Mukulu wa bena Izrayele.

1 Bakalenga 8:24

Udi muenzele tatu wanyi muntu webe Davide bionsu biuvua mumulaye. Eyowa, lelu wakumbaji bionsu biuvua mumuambile.

Nehemya 9:8

Wewe kujadika muvuaye mukuitabe ne muoyi umue. Nanku wewe kutua nende ndondu: kumulaya bua kumupesha ditunga dia bena Kenaane, bena Iti, bena Amore, bena Perizi, bena Yebusa ne bena Ngirgashi, bua ndelanganyi yende isombemu. Wewe kukumbaja biuvua muambe, bualu wewe udi wa diyi dimue.