Yoshua 11:4 - MUKANDA WA MYIDI MUKULU

⁴ Bakalenga bonsu aba kubanga luendu, ne bena mvita kabayi kubala, bungi bu lusenga lua ku muelelu wa mayi manene. Bavua ne nyama ya tubalu ya bungi, ne matempu a mvita mavule.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bobo bakahatuka, bobo ne misumba yabo yonso ba bungi be bu nsenga ya kukala kua mai manene, ne tubalu ne makalu a bungi.

Yoshua 11:4 交叉引用

Balombodi 7:12

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, bavua bapasalala mu mpata bungi bu mpasu. Bivua ne tumelu tupite bungi, bu lusenga ludi ku muelelu wa mayi manene.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.

Genese 32:12

Nanku ndi nkutendakena ne: unsungidile kudi mukuluanyi Esawu. Ndi ne bowa, bualu udi mua kumbutula ne bakaji ne bana.

Genese 22:17

Nenkuele lupemba; nemvudije ndelanganyi yebe bungi bua mitotu ya mulu, nansha bu lusenga lua ku muelelu wa mayi manene. Ndelanganyi yebe neyinyenge misoku ya bena lukuna bayi.

1 Bakalenga 4:20

Bena Izrayele ne bena Yuda bavua bungi bu lusenga ludi ku muelelu wa mayi manene, ludi muntu kayi mua kubala. Kadi bavua ne biakudia ne bia kunua bia bungi, basomba anu ne disanka.

2 Samuele 17:11

Lungenyi luanyi ludi nunku: Ubikidishe bena mvita bonsu ba bena Izrayele, biangatshile ku Dane too ne ku Bersheba, bikale bungi bu lusenga ludi ku muelelu wa mayi manene. Pashishe, wewe nkayebe uye nabu mu mvita amu.

Yoshua 11:5

Kudisangishabu bonsu muaba umue. Kuyabu ku mpokolu ya mu Merome, badilongolole bua kuluisha bena Izrayele.

Misambu 20:8

Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!