Yobe 9:17 - MUKANDA WA MYIDI MUKULU

¹⁷ Udi unzaza amu bua bualu bukese. Udi untapa amu kuntapa mputa, kayiyi bualu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bualu bua yeye udi mutshibula ne tshihehele, udi uvudisha mputa yanyi tshiyi ne bualu.

Yobe 9:17 交叉引用

Yobe 16:14

Udi udiela pambidi panyi bu muena mvita, udi untapa amu kuntapa mputa.

Yobe 2:3

Maweja-Nangila kumuebeja ne: — Uvua mumone muntu wanyi Yobe anyi? Pa buloba kapena muntu udi mufuanangane nende nansha. Yeye udi unnemeka, ungitaba. Udi muntu muimpe. Mmubenge malu mabi. Uvua munsake amu bua meme kumukengesha kapayi bualu. Kadi nansha nanku, utshidi amu undamata.

Yobe 34:6

Nansha meme tshiyi ne bualu, kena ukosa nsambu yanyi pa yoyi to. Udi untapa mputa, ukeba kunshipa anu patupu.”

Yowanane 15:25

Kadi bidi bienzeka nanku bua miaku ikumbane idibu bafunde mu mukanda wa mikenji yabu ne: “Mbankine kapayi bualu.”

Yowanane 9:3

Yezu kubandamuna ne: — Bufofu ebu ki mbufumine ku bubi buende nansha ku bubi bua baledi bende to. Kadi udi mpofu bua midimu ya Mvidi Mukulu imuenekele kudiye.

Matayi 12:20

Dilenga dibendame, kakuditshibula. Kakujima muendu utshidi ne kapia kakese. Neenze nanku too ne padi malu mimpe andi musue, atshimuna panu.

Matayi 7:27

Mvula kuloka, misulu kupasalala, tshipepele kutuuta bikole ku nzubu. Nzubu kushimbuka, kubutuka butubutu.

Yezekiyele 13:13

Meme Maweja-Nangila Mvidi Mukulu, ndi nnuambila ne: Tshiji tshianyi netshijule mvula wa tshipupu, difika dianyi dia munda nedijule mvula wa tshipepele tshikole. Pandi mfika munda, nendokeshe mvula wa mabue bua kunubutula.

Yirmeya 23:19

Mvunde mukole wafiki. Ke tshiji tshia Maweja-Nangila! Mvunde munene udi unyoka bena tshibawu.

Yeshaya 28:17

Monji wa kupima nawu, newikale buakane. Nshinga wa kululamija nende, ke kuenza malu mimpe.” Kadi mabue a mvula neumushe, dishima dienu dinudi batekemene. Mayi neabumbule, muaba unuvua banyemene.

Misambu 83:15

Bu mudi kapia kuosha ditu, bu mudi ludimi lua kapia lutemesha kapia ka mikuna minene,

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 29:5

Diyi dia Maweja-Nangila didi ditshibula mitshi ya sedre, ditshibula ne mitshi minene ya sedre ya mu Lebanone.

Misambu 25:3

Badi batekemena kuudi, kabakunyingalala. Bundu mbua badi bakubenga! Nebashale bianza bitupu!

Yobe 30:22

Udi musue bua lupepele lungambule luya nanyi. Tshipepele tshikole tshidi tshintambakaja eku ne eku.

Yobe 16:17

Tshivua muenze bualu bubi nansha bumue, mvua mutendelele amu bimpe, tshiyi ne mpala ibidi to.

Yobe 16:12

Mvua nsomba talalaa, kadi Mvidi Mukulu kunkuatshisha bowa, kumpia mu nshingu, kungela panshi, kuntangila bu tshintu tshia kuteta natshi ndudi yende.

Yobe 2:13

Pashishe, kusombabu pamue ne Yobe matuku muanda mutekete, a munya ne a butuku, kabayi bayukila nende, bualu bavua bamone ne dikenga diende ndipite bunene.

Yobe 2:7

Nanku mufundianganyi kumuka muaba uvua Mvidi Mukulu. Kutuaye Yobe disama dibi dia pa dikoba, mubidi wende mujima kunyanguka biangatshile ku dikasa too ne ku mutu.

Yobe 9:16

Nansha meme mumubikile, yeye mungitabe, tshiena mua kushindika ne: uvua munteleje to.

Yobe 10:8

Bianza biebe bivua bimfuke, bimfumbe, mpindiewu bidi binkuata, bikeba kumbutula!

Yobe 27:2

Ndi nditshipa mu dina dia Mvidi Mukulu udi ne muoyi, udi kayi musue kukosa nsambu yanyi biakane, mu dina dia Wa bukole buonsu udi unkengesha.

Yobe 33:10

Kadi Mvidi Mukulu udi ukeba kungasa amu tshilumbu, bualu udi untangila bu muluishi wende.