Yobe 6:27 - MUKANDA WA MYIDI MUKULU

²⁷ Nudi mua kutshinka bua kupeta muana nshiya, kumushintakaja ne mulunda wenu wa pa muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bulelela, nuenu nudi basue kuelela muanʼa nshiya nshobo, nudi basue kuenduluka mushinga ne mulunda wenu!

Yobe 6:27 交叉引用

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Nahume 3:10

Nansha bikale nanku, baluishi kukuata tshimenga, kuya ne benatshi mu bupika. Kushipelabu ne bana mene, ku mielelu ya misesu yonsu. Kusuikabu bamfumu bonsu nkanu. Bavua batshimuna, kuabanyanganabu bakulu ba tshimenga, bangata ewu bende ewu bende.

Yowele 3:3

Nengenze malu a kukema mu diulu ne pa buloba. Nekuikale mashi, kapia, ne mavuba a muinshi.

Misambu 7:15

Muntu udi wanyisha bubi, udi wimita diakabi, ulela dishima.

Yobe 24:9

Badi banyafula muana nshiya ku dibela dia mamuende. Badi banyenga bapela tshinkutu ku bukole bu tshieya.

Yobe 24:3

Bamue badi banyenga bana ba nshiya mpunde yabu, nansha badi mua kuangata ngombe wa mukaji mukamba bu tshieya.

Yobe 22:9

Uvua muipate bakaji bankamba bumuke bianza bitupu. Uvua mukengeshe bana ba nshiya, muibe bintu biabu.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Yezekiyele 22:7

Muebe, muntu kena unemeka tatuende nansha mamuende. Badi bakengesha benyi, batatshisha bana ba nshiya ne bakaji bakamba.

Yirmeya 18:22

Tuma bantu bena mvita bua kubaluisha diakamue. Tumvue muadi wabu. Bualu badi badilongolole bua kunkuata, banteya mu makasa.

Yirmeya 18:20

Badi mua kupingaja bubi pa buimpe anyi? Apu badi bateya buteyi bua kunkuata. Kadi vuluka mumvua muimane kumpala kuebe bua kubakuila, bua kaubafikidi munda.

Misambu 82:3

Nulumbuluile badi kabayi mubakuidi ne bana ba nshiya, nulumbuluile bapela ne bena dikenga.

Misambu 57:6

Mvidi Mukulu, leja bumfumu buebe budi bupite diulu, ne butumbi buebe budi bukenka pa buloba bujima.

Yobe 31:21

Bu meme mukanyina muana nshiya ku tshilumbuluilu, bualu bandumbulula bonsu mbalunda banyi,

Yobe 31:17

Mvua mudie biakudia bianyi anu nkayanyi anyi? Mvua mupale muana nshiya bimvua nabi anyi?

Yobe 29:12

Mvua muambuluishe mukengi uvua ungela mbila, nansha muana nshiya uvuabu kabayi bavuluka.

Ekesode 22:21

Kanukengeshi bakaji bakamba nansha bana ba nshiya.