Yobe 42:10 - MUKANDA WA MYIDI MUKULU

¹⁰ Yobe mumane kutendelela Mvidi Mukulu bua balunda bende abu, Maweja-Nangila kumupingajila bintu biende anu bu muvuabi kale. Kuvudijaye bintu abi misangu ibidi bu muvuabi kale.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yehowa wakakudimuna dikenga dia Yobo, wakamu hingishila diakalengele, hakalombeleye balunda bandi Nzambi. Yehowa wakavudisha bintu bia Yobo bihite bia diambedi misangu ibidi.

Yobe 42:10 交叉引用

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Yeshaya 40:2

Nukoleshe bena Yerushalayime ku muoyi! Nubele mbila, nubambile ne: “Midimu yenu mikole yajiki! Nudi bafute tshibawu tshienu. Maweja-Nangila mmununyoke misangu ibidi dinyoka dijima dinuvua ne bua kupeta.”

Yeshaya 61:7

Maweja-Nangila udi wamba ne: “Nuvua bafue bundu. Bantu bavua banupenda, banupetula, banutuila mate mu mesu. Kadi bu muvuabu banupepeje, nenupete buloba budi bupite buenu bua kale misangu ibidi. Bituadije ku mpindiewu, nenusombemu, nusanke kashidi.

Nsumuinu 22:4

Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Misambu 14:7

Wafuma ku Siyone bua kupandisha Izrayele nnganyi? Maweja-Nangila neapatule bantu bende mu bupika. Diba adi ndelanganyi ya Yakobe neisanke, bena Izrayele nebatue tshianga.

Misambu 126:1

Musambu wa bena ngendu. Pavua Maweja-Nangila mutupingajile disanka mu Siyone, tuvua bu bantu badi balota.

Bienzedi 7:50

Diulu ne buloba, ki mmeme udi mubienze anyi?”

Yobe 1:3

Uvua ne mikoku binunu muanda mutekete, nyama ya tumelu binunu bisatu, nyama ya ngombe milume ne mikaji tshinunu, ya mpunde mikaji nkama itanu. Uvua kabidi ne bena mudimu bavule. Bantu bonsu bavua basombe ku luseke lua Palestine ludi diba dipatukila, amu yeye ke uvua mubapite ku bubanji ne ku biuma.

Agayi 2:8

Bualu tshiamu tshitoke tshia mushinga mukole, ne tshiamu tshia mpawungi, bia pa buloba bujima mbianyi meme.

Dielulula 9:20

Maweja-Nangila uvua mupite kufikila Arone munda, musue kumushipa. Kadi dituku adi, meme kumulombela ne yeye kabidi.

Dibadika 12:13

Moshe kulomba Maweja-Nangila, wamba ne: — Mvidi Mukulu wanyi, anyisha ondapa disama edi!

Dibadika 12:2

Bavua bamba ne: — Maweja-Nangila mmuyukile amu ne Moshe nkayende anyi? Kena uyukila kabidi netu anyi? Maweja-Nangila kumvua tshijanu atshi.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

2 Kulondolola 25:9

Amashiya kukonka muambi ne: — Makuta amvua mupe bena mvita aa neaye penyi? Muambi kuandamuna ne: — Maweja-Nangila udi ne bukole bua kukupesha makuta makuabu mapite bungi.

Luke 16:27

Ke muena biuma kuamba ne: “Tatu, ndi nkusengelela ne: tuma Lazare mu nzubu mua tatu wanyi,

1 Samuele 2:7

Maweja-Nangila udi uvuija muntu mupela nansha mubanji. Udi umupuekesha milongu, nansha umubandisha.

Dielulula 8:18

Numanye ne: Maweja-Nangila Mvidi Mukulu wenu ke udi unuambuluisha, bua nupete diakalenga. Udi wenza nanku, bualu too ne lelu utshidi ulama ndondu wende, uvua-ye mutue ne bankambua benu.

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Dibadika 14:10

Bena Izrayele bonsu kukeba mua kubasa mabue, kubashipa. Kadi diakamue butumbi bua Maweja-Nangila kumuenekela bena Izrayele kulu kua ntenta wa kusambakena.

Misambu 53:6

Kadi bantu abu bavua kabayi batshina tshintu kumpala, nebakuatshike bowa mpindiewu, bualu Mvidi Mukulu neamuangalaje mifuba ya badi bakengesha bantu bende. Badi babalembakaja, bualu Mvidi Mukulu mmubabenge.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

Yobe 1:2

Uvua tatu wa bana ba balume muanda mutekete, ne ba bakaji basatu.

Yobe 42:9

Nanku, Elifaze wa mu buloba bua Temane, Bildade wa mu buloba bua Shuka ne Sofare wa mu buloba bua Naama kuenzabu bivua Mvidi Mukulu mubambile. Pashishe Maweja-Nangila kuitaba ditendelela dia Yobe.