Yobe 40:11 - MUKANDA WA MYIDI MUKULU

¹¹ Leja bantu tshiji tshiebe tshinene. Tangila badi baditambisha, ubele panshi!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Lesha tshiji tshiebe tshikole; tangila muntu yonso udi mudisue ne umuhuekeshe.

Yobe 40:11 交叉引用

Yeshaya 2:17

Muntu muena ditambisha neinyike mpala panshi, muena kapeja neadie buloba. Dituku adi, nebamanye ne: amu Maweja-Nangila nkayende udi ne bukole.

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Yakobe 4:6

Kadi bu mudi Mvidi Mukulu utunanga, udi utusankisha kabidi bipite. Ke padi Mikanda ya tshijila yamba ne: “Mvidi Mukulu udi ubenga bena ditambisha, kadi udi wanyisha bapuekele.”

Luke 18:14

Ndi nnujadikila ne: muntu ewu mmupingane kuende, mutokela Mvidi Mukulu ku muoyi, kadi mukuabu awu to. Bualu muntu yonsu udi uditambisha, nebamupuekeshe. Kadi yonsu udi ndipuekesha, neapete lumu.

Yezekiyele 28:2

— Muntu, umanyishe mukalenga wa bena Tire bindi meme Maweja-Nangila mmuambila ne: “Muoyi webe uvua ulunduka ne ditambisha. Uvua wamba ne:

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Misambu 144:6

Penya miaba yonsu bu miele ya mvula, tuma mikete yebe miaba yonsu.

Yobe 27:22

Mvidi Mukulu kena ubumvuila luse, udi ukeba kubasa mikete yende. Badi mua kuepuka mikete yende anu padibu banyema lubilu.

Yobe 20:23

Patshidiye uwuja difu diende tente, ke padi Mvidi Mukulu umudisha tshiji tshiende, mpindiewu udi utshidia ukuta.

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Yobe 4:9

Badi benza nanku, badi bakeba tshiji tshia Mvidi Mukulu. Tshidi tshibashipa, tshiya nabu bu mudi lupepele lua mvunde luenza.

Yobe 21:30

Padi dikenga difika, kadiena dikuata muena malu mabi. Tshiji tshia Mvidi Mukulu katshiena tshimulenga to.

Yeshaya 22:19

Maweja-Nangila udi wamba ne: nenkuipate pa mukuna webe, nenkumushe pa muaba uuvua musombe.

Yeshaya 23:9

Amu Maweja-Nangila muena bukole buonsu ke udi mujadike bualu ebu, bua kujikija ditambisha, dia bantu badi badipa lumu, bua kupepeja bantu aba, badibu banemeka pa buloba.

Yeshaya 25:11

Mu tshiina amu, bena Mowabe badi bolola maboku, amu bu badi bakeba kuowela pa mayi. Kadi nansha bobu benza nanku, Maweja-Nangila udi utekesha bena Mowabe, ne lutambishi luabu.

Yeshaya 26:5

Bualu yeye uvua mutulule panshi bantu bavua basombe miaba mitumbuke. Uvua mushimbule, tshimenga tshivuabu kabayi mua kukuata. Uvua mubumbule bimana biatshi, mubilandakaje, mubiele panshi.

Yirmeya 48:29

Tuvua bumvue muvua bena Mowabe baditambisha, badisua bikole, bapepeja bantu bakuabu, baleja dikamakama, baditemba, baditeka ku mutu kua bantu bakuabu.

Danyele 4:24

Nanku, Mukalenga, anyisha mubelu undi nkupesha: lekela mibi yebe, ne bilema biebe. Wenze malu mimpe, ufuile bapele luse. Nanku misangu mikuabu nebalepeshe tshikondu tshia diakalenga diebe.

Nahume 1:8

nansha mu dikenga dikole dipite. Kadi udi ubutula baluishi bende, ubatuma mu kandondu ka bafue.

Yobe 9:5

Udi mua kutula mikuna, kuyiteka muaba mukuabu kayi umanyisha muntu. Yeye ne tshiji, udi uyibondakaja.

Misambu 94:2

Mulumbuluishi wa bantu, juka umonangane ne bena kapeja, ubapingajile bubi buvuabu benze.