Yobe 38:8 - MUKANDA WA MYIDI MUKULU

⁸ Uvua mukangile mavuala a mayi manene biibi, pavuawu apatuka ne bukole mu buloba nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nganyi wakinshidila mai manene bibi, hakahatukau, mûmuke munda mua buloba bu mudi muana umuka mu difu dia mamu wandi;

Yobe 38:8 交叉引用

Genese 1:9

Dituku disatu Mvidi Mukulu kuamba ne: “Mayi onsu adi muinshi mua tshibuashibuashi adisange muaba umue, buloba bume bumueneke.” Kuenzekabi nanku.

Yirmeya 5:22

Maweja-Nangila udi ukonka ne: Kanuena nuvuluka bukole buanyi anyi? Kanuena nuntshina bua tshinyi? Meme ndi muteke lusenga bua luikale mukalu wa mayi manene. Ludi bu nkila muasa bua kashidi. Mayi kaena mua kusambuka nkila awu to. Adi atuuta ku nkila, kadi nkila kena ubumbuka to. Mavuala adi atuutaku ne tshiona tshikole, kadi kaena asambuka nkila to.

Nsumuinu 8:29

Uvua muenzele mayi manene mikalu yawu, bua kaasambuki pa buloba buume. Uvua mushindike buloba bikole panshi.

Misambu 33:7

Udi usangisha mayi manene muaba umue. welela mayi manene nkila.

Yobe 38:10

Mvua muelele nkila, mualeje mikalu, muajikile njila ne biibi bikanga ne bikuvu.

Genese 1:7

Mvidi Mukulu kufuka tshibuashibuashi bua kupandulula mayi adi muinshi ne adi mulu. Kuenzekabi nanku.

Yobe 28:25

Diba divuaye upima bujitu bua lupepele, ubujadika, ubushindika,

Yobe 38:9

Amu meme ke uvua mubuikile mayi manene ne mavuba, muajingile ne dibungi dikole.

Misambu 104:6

Uvua mububuikile ne mayi bu tshilamba, mayi kubanda ne ku nsongu ya mikuna.

Nsumuinu 30:4

Udi mubande mu diulu mua Mvidi Mukulu, kabidi mutulukemu nnganyi? Udi mukuate lupepele mu bianza biende nnganyi? Udi muvungile mayi mu tshilamba tshiende nnganyi? Udi mufundile buloba mikalu nnganyi? Dina diende nnganyi? Dina dia muanende nnganyi? Paudi mudimanye, udingambile!

Yeshaya 40:12

Uvua mupime mayi manene mu tshianza tshiende nnganyi? Uvua muidikije diulu ne ntanta wa tshianza tshiende nnganyi? Uvua musangishe dimfuekenya dia buloba mu mbeketshi, bua kudipima nnganyi? Uvua muteke mikuna minene ne mikese pa tshipiminu nnganyi?

Misambu 107:24

Kumonabu bukole bua Maweja-Nangila, ne malu a kukema adiye wenza pa mayi manene.