Yobe 37:6 - MUKANDA WA MYIDI MUKULU

⁶ Mvidi Mukulu udi utumina mvula wa mabue diyi ne: “Uloke pa buloba.” Udi ulokesha mvula mukole, nansha wa tshipupu mene.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua udi wamhila neige ne, Mata ha buloba; udi wamhila kabidi nvula udi uloka bitulu bitulu ne nvula yandi idi iloka bikole ne, Lokai.

Yobe 37:6 交叉引用

Yobe 38:22

Ukadi mufike mu mayeba, miaba indi ndama neje ne mabue a mvula anyi?

Yobe 36:27

Udi ukoka mayi adi pa buloba afika mulu, andamuka mvula, udi uloka panshi.

Yezekiyele 13:13

Meme Maweja-Nangila Mvidi Mukulu, ndi nnuambila ne: Tshiji tshianyi netshijule mvula wa tshipupu, difika dianyi dia munda nedijule mvula wa tshipepele tshikole. Pandi mfika munda, nendokeshe mvula wa mabue bua kunubutula.

Amosa 9:6

Mvidi Mukulu mmuibake nzubu yende mu diulu, mmubuikile buloba ne tshibuashibuashi. Mmubikile mayi, apatuke mu mayi manene, bua aatangalaje pa buloba. Dina diende ke Maweja-Nangila.

Yezekiyele 13:11

Nanku, wambile balabi ba lupemba abu ne: Tshimana netshiupuke. Mvula mukole nealoke. Mabue a mvula neapone. Tshipepele tshia mvula wa tshipupu netshijuke.

Nsumuinu 28:3

Muntu wa tshikisu udi ukengesha bapele, udi ufuanangana ne mvula wa tshipupu, udi unyanga biakudia mu mpata.

Misambu 148:8

nuenu kabidi kapia ne mabue a mvula, neje ne dibungi, tshipepele tshidi tshitumikila diyi diende, numutumbishe.

Ezela 10:13

Kadi tudi ba bungi, tudi kabidi mu tshikondu tshia mvula. Katuena mua kushala pambelu to. Bualu ebu kabuena mua kujika dituku dimue, nansha matuku abidi to. Bantu bavule ba kutudi eku mbabuelakane mu tshilumbu atshi.

Ezela 10:9

Matuku asatu mamane kupita, bena Yuda ne bena Binyamine bonsu kufika mu Yerushalayime mu matuku makumi abidi a ngondu wa tshitema. Kusangilabu bonsu mu lupangu lua nzubu wa Mvidi Mukulu. Bonsu bavua bazakala bua bualu ebu, ne bua mvula uvua uloka bikole.

Yobe 5:10

Amu yeye ke udi ulokesha mvula bua kufila tshitalela pa buloba. Udi utuma mayi makumbana pa madimi.

Yobe 28:26

diba divuaye ufundila mvula tshikondu tshiende ne muaba wende, uleja makubakuba njila wa kulonda,