Yobe 33:6 - MUKANDA WA MYIDI MUKULU

⁶ Wewe ne meme kumpala kua Mvidi Mukulu tudi mumue. Uvua mutufuke bonsu babidi ne diima.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mona, ndi ku mesu kua Nzambi bu mûdi wewe; ndi mufuanyikisha ku dima muomumue nʼebe.

Yobe 33:6 交叉引用

Yobe 4:19

Nanku, mmunyi mudiye kayi mua kudiwula bantu badi basomba pa nzubu ya pa buloba, bana bavuabu bafimba ne diima, badibu mua kudiata bu tunkenene.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

Yobe 31:35

Wampetela muntu udi mua kunteleja nnganyi? Ku miaku yanyi imvua muambe, ndi mua kuela tshiala. Mvidi Mukulu wa bukole buonsu angandamune! Mukanda uvua muluishi wanyi mufunde bua kunsonguela,

Yobe 20:22

Amu diba didiye ne biuma bia bungi, ke didi dikenga dimukuata.

Yobe 13:12

Miaku yenu idi bu butu, katuena mua kukuata nayi mudimu kabidi to. Meji anudi nufila adi bitotshi.

Yobe 10:9

Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Ekesode 4:16

Arone neakule ne bantu, ubambila malu auvua ne bua kuamba wewe. Wewe newikale bu Mvidi Mukulu, udi umumanyisha tshidiye mua kuamba, yeye neikale muambi webe.

Genese 30:2

Yakobe kufikila Rakele munda, umuambila ne: — Meme tshiena Mvidi Mukulu udi mukukandike ne: kuledi to!

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Yobe 13:3

Meme ndi musue kuyukila ne Mvidi Mukulu wa bukole buonsu. Ndi musue kudilumbuluila kumpala kuende.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.