Yobe 31:9 - MUKANDA WA MYIDI MUKULU

⁹ Pangikala mualakane mukaji wa muena mutumba, mumutentekela, nansha musokome pambelu ku tshiibi tshiende,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bikala mutshima wanyi muteyibue bua mukashi, ne bingikala mualamine ku mbelu kua muena mutumba nʼanyi,

Yobe 31:9 交叉引用

Muambi 7:26

Ndi mumone ne: mukaji udi uteya bantu mmupite lufu ku bululu. Dinanga diende didi bu bukondu. Maboku ende adi akusuika bu nkanu. Muntu udi wenza tshidi Mvidi Mukulu musue, udi upanduka kudi mukaji ewu. Kadi muenji wa bibi nebamukuate kudi mukaji ewu.

1 Bakalenga 11:4

Shelomu mumane kukola mukulakaje, bakaji aba kumuibidija mua kutendelelaye mvidie mikuabu. Shelomu katshivua munange Maweja-Nangila Mvidi Mukulu wende ne muoyi mujima, bu muvua tatuende Davide mumunange to.

Balombodi 16:5

Nanku bakalenga batanu ba bena Peleshete kuya kuambila Dalila ne: — Enzeja Shimeshone, akuambile kudi bukole buende bufuma, ne mushindu udibu mua kujika. Nanku netumusuike mionji, bua tumukokeshe. Pashishe muntu yonsu wa kutudi neakupe nkanu mitoke ya tshiamu tshia mushinga mukole tshinunu ne lukama.

Osheya 7:4

Bonsu badi bena tshiendenda. mBafuanangane ne tshioshilu tshia mampa, tshidi tshitema kapia kakole. Muoshi wa mampa kena mua kukasonsola, katshia usopa mampa too ne muabandawu.

Yirmeya 5:8

Badi bu nyama midiunde ya tubalu milume, tshikondu tshidiyi ikeba nyama mikaji. Bonsu badi bakekemena, babikila mukajabende.

Nsumuinu 22:14

Miaku ya lubombu ya bakaji bena buendenda, mbuteyi budi bukuatshisha bowa. Badi baponamu kudi muntu udi Maweja-Nangila mudiwule.

Nsumuinu 6:25

Kualakanyi buimpe bua mukaji wa bende. Mesu adiye ukulenguila, kaakulobeshi.

Nehemya 13:26

Meme kubakonka ne: — Malu aa ki ngavua mafikishe Shelomu, mukalenga wa Izrayele, ku dienza bibi anyi? Munkatshi mua bisamba bia bende bionsu, kakuvua mukalenga mukuabu bu yeye to. Mvidi Mukulu uvua mumunange, mumuteke mukalenga wa bena Izrayele bonsu. Kadi bakaji ba bisamba bikuabu bavua bamufikishe ku dienza bibi

Nsumuinu 7:21

Kumusuminyinaye bikole ne budimu buende. Kumutekeshaye ku muoyi ne miaku misheme.

Yobe 31:1

Meme ne: tshiena mua kutangila nsongakaji, nansha kumualakana.

Lewitiki 20:10

“Muntu yonsu udi ubuelela mukaji wa bende mu nzubu, babashipe bonsu babidi, muena tshibawu kabidi ne mukaji awu.

Dielulula 5:21

“Kanualakanyi tshintu tshia mukuenu: nansha mukajende, nzubu wende, ngombe wende, madimi ende, mupika wende mulume nansha mukaji, mpunde wende, nansha tshintu tshionsu tshia mu lubanza luende.”

Nsumuinu 6:27

Badi mua kuambuila dikala dia kapia mu tshibombu, tshilamba tshionsu katshiyi tshipia anyi?