Yobe 31:4 - MUKANDA WA MYIDI MUKULU

⁴ Nanku Mvidi Mukulu kena umona bindi ngenza anyi? Udi ubadika njila yonsu indi ngenda.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye kena umona nshila yanyi, kena ubala bungi bua biendedi bianyi bionso, anyi?

Yobe 31:4 交叉引用

Yobe 34:21

Mvidi Mukulu udi ukenketa luendu lua bantu, bualu udi ukonkonona bionsu bidibu benza.

2 Kulondolola 16:9

Nanku, Maweja-Nangila udi utangila pa buloba, musue kuambuluisha badi bamunanga ne muoyi wabu mujima. Mpindiewu, udi muenze malu bu muntu mutomboke. Biangatshile ku lelu, mvita neyikukuate.

Nsumuinu 5:21

Wamanya! Maweja-Nangila udi ujooja mudi muntu yonsu wenza. Udi umona bionsu bidi muntu wenza.

Yobe 14:16

Diba adi, nansha wewe unkenketa konsu kundi nya, kuakubala bungi bua bilema bianyi kabidi to.

Yirmeya 32:19

Udi wela meji ku malu manene audi musue kuenza. Kabidi udi ne bukole bua kuakumbaja. Udi utangila bimpe malu adi bantu benza. Udi ufuta muntu yonsu bilondeshile bidiye wenza.

Nsumuinu 15:3

Mesu a Maweja-Nangila adi atangila miaba yonsu. Udi ujooja bimpe ne babi.

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Genese 16:13

Agare kudikonka ne: “Ndi mumone Udi mummone anyi?” Kuinyikaye Maweja-Nangila uvua umuakuisha dina ne: “Wewe udi Ele-Royi, mmumue ne: Mvidi Mukulu udi mummone.”

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

Yowanane 1:48

Natanayele kumukonka ne: — Udi mummanye munyi? Yezu kumuandamuna ne: — Mvua mukumone, Filipe kayi muanji kukubikila, pauvua muinshi mua mutshi wa mfiku.

Misambu 44:21

Bu tuetu bapue Mvidi Mukulu wetu muoyi, bu tuetu batendelela mvidie mikuabu,

Yobe 11:11

Bualu Mvidi Mukulu mmumanye bikole bantu batshimbakane. Udi mumone bantu badi benza bibi, kayi ne lutatu bua kubanyoka.

Yobe 24:23

Mvidi Mukulu udi muanyishe bua bende badiunwue, basombe talalaa. Kadi udi umona bionsu bidibu benza.

Yobe 28:24

Bualu yeye ke udi utangila too ne ntengu ya buloba. Udi umona tshionsu tshidi muinshi mua diulu.

Yobe 31:37

Nengambile Mvidi Mukulu malu onsu amvua muenze, nensemene kudiye mubandulule mutu bu mukalenga.

Yobe 36:7

Udi ulama badi bamulamate. Bakalenga badi mu nkuasa wa bumfumu, Mvidi Mukulu ke udi mubatekemu, bua bukalenga buabu bunenge. Kadi badi baditambisha.

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.