Yobe 27:9 - MUKANDA WA MYIDI MUKULU

⁹ Padi dikenga dimukuata, yeye mutendelele Mvidi Mukulu, neamuteleje anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Nzambi neunvue muadi wandi halua dikenga kudiye, anyi?

Yobe 27:9 交叉引用

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Misambu 18:41

Udi unyemesha baluishi banyi. Ndi mbutula badi nanyi lukuna.

Yakobe 4:3

Panudi nulomba, kanuena nupeta, bualu meji anudi nubilomba nawu, adi mabi. Nudi basue kubipeta bua kudisankisha amu nkayenu.

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Yirmeya 11:11

Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Misambu 66:18

Bu meme ne meji mabi munda, Mvidi Mukulu kavua mua kunteleja to.

Yowanane 9:31

Tudi bamanye ne: Mvidi Mukulu kena uteleja benji ba malu mabi. Kadi udi uteleja muntu udi umunemeka, ukumbaja bidiye musue.

Luke 13:25

“Padi mfumu wa nzubu ujuka bua kukanga tshiibi, nuenu nenuikale pambelu, nukokola ku tshiibi, nuamba ne: ‘Mfumu, utunzuluile!’ Kadi mfumu neanuandamune ne: ‘Tshiena mumanye kunudi nufuma to!’

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Nsumuinu 28:9

Pikala muntu kayi uteleja tshidi mikenji yamba, nenku Mvidi Mukulu kakumuteleja padiye umutendelela nansha.

Misambu 109:7

Palumbululaye bamupishe, ditendelela diende diandamuke bualu bubi!

Dielulula 1:45

Nuenu kupingana mu mitanda kudi Maweja-Nangila, kumudidila. Kadi kena mubumvue, nansha munuteleje to.

Nsumuinu 1:27

Bualu dituku dikuabu dikenga nedinukuate bu mvula wa tshipupu. Bowa nebunuenze bu tshipepela tshia mvunde. Lutatu ne dipampakana nebinutatshishe bikole.

Misambu 18:42

Nansha bela mbila, muntu kena ubambuluisha. Nansha batendelela Maweja-Nangila, kena ubitaba.