Yobe 27:20 - MUKANDA WA MYIDI MUKULU

²⁰ Bowa budi bubakuata bu mudi mayi apasalala. Butuku, lupepele lukole lua mvunde ludi lubapepula luya nabu.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Malu a buowa adi amuhita bukole bu mai mavule; tshihehele tshikole tshidi tshimuangata butuku.

Yobe 27:20 交叉引用

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

Yona 2:3

Mu dikenga didi dinkuate edi, ndi nkubikila wewe Maweja-Nangila wanyi; ke wewe kunteleja. Nkavua nkeba kubuela muaba wa bafue. Mvua mulombe bua ungambuluishe; wewe kumvua diyi dianyi.

Danyele 5:30

Butuku buvua bulonda, kushipabu Baltazare, mukalenga wa ditunga dia Babilone.

Misambu 42:7

Mvidi Mukulu wanyi, muoyi wanyi udi ne dibungama. Ke pandi nkutendelela, nansha meme musombe mutantshi mule ne nzubu webe, mu mikuna ya Ermone, pabuipi ne Mukuna-Muipi, ku mpokolu ya musulu wa Yardene.

Misambu 18:4

Maweja-Nangila atumbe! Pandi mmubikila, diakamue udi unsungidila kudi baluishi banyi.

Yobe 34:20

Mundankulu lufu ludi mua kubakuata mu mpukapuka, kabayi bamanye. Bantu badi batomboka, bamfumu badi bafua. Mvidi Mukulu udi ushipa mukalenga wa tshikisu, kayi nansha ukuata mudimu bikole.

Yobe 22:16

Bobu bakafua matuku abu kaayi manji kukumbana, amu bu tshimana tshidi mayi upula.

Yobe 21:18

Badi baya nabu bu mudi lupepele luambula bisosa anyi? Peshi bu mudi mvunde ujula lupuishi anyi?

Yobe 20:23

Patshidiye uwuja difu diende tente, ke padi Mvidi Mukulu umudisha tshiji tshiende, mpindiewu udi utshidia ukuta.

Yobe 20:8

Udi upepuka bu tshilota, ujimina, kabayi mua kumusangana kabidi to, bu mudi malu adi amuenekela muntu butuku.

2 Bakalenga 19:35

Butuku, mutumibue wa Maweja-Nangila kuya mu mitanda ya bena Ashure. Kushipayemu bantu balume binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika ku tulu kumonabu bitalu bionsu abi.

Ekesode 12:29

Mundankulu, Maweja-Nangila kushipa bamuanabute bonsu ba mu ditunga dia Ejipitu, biangatshile ku muanabute wa mukalenga wa ditunga, too ne ku muanabute wa muntu tshianana uvua mu nzubu wa lukanu. Kushipaye kabidi ne bamuanabute ba bimuna.

Yobe 24:18

Kadi nuenu nudi nujadika ne: “Bena malu mabi nebapueke ne mayi. Mvidi Mukulu mmutshipe madimi abu. Kabena mua kuya kukuata mudimu mu budimi bua mvinyo to.

Misambu 90:5

Udi ushipa muoyi wa muntu, upita bu tshilota tshia mu dinda, bu tshisosa tshidi tshitoloka,

Misambu 83:16

ubipate ne mvula wa tshipupu, ubatshinyishe ne mvunde.