Yobe 22:12 - MUKANDA WA MYIDI MUKULU

¹² Udi mumanye mudi Mvidi Mukulu mu diulu muamua, mudiye mumone mitotu, nansha yoyi minangapale mulu mule.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nzambi kena mulu mu diulu, anyi? Tangila mitoto idi mitambe kuikala mulu mule!

Yobe 22:12 交叉引用

Muambi 5:2

Bualu muntu udi upita kuakula, udi upita kuakula miaku mibi. Ke mudi muntu udi ne ntatu mivule upita kulota ndota mibi.

Yobe 11:8

Bukole buende mbupite bua diulu, tshiudi mua kuenza ntshinyi? Budi ne bondoke bupite bua dijimba dia bafue, tshiudi mua kushikuluja ntshinyi?

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yeshaya 57:15

Udi ku mutu kua bintu bionsu, udi usomba mu nzubu wa kashidi, udibu binyika ne: Wa Tshijila, ke yeye udi wamba ne: “Meme Mvidi Mukulu wa tshijila, ndi nsomba mulu. Kadi ndi ngenda kabidi ne bantu badi mu makenga, badi ne muoyi wa bupuekele. Nanku nempingajile muena bupuekele muoyi, nempingajile mukengi disanka.

Misambu 115:16

Diulu ndia Maweja-Nangila, nkayende, kadi buloba mmubupeshe bantu.

Misambu 115:3

Mvidi Mukulu wetu udi mu diulu, udi wenza bionsu bidiye musue.

Yobe 11:7

Kadi wewe udi mua kumanya malu adi munda mua Mvidi Mukulu anyi?

Yobe 35:5

Ujoje mavuba, utangile tshibuashibuashi, kabiena bikupite ku bule anyi?

Muambi 5:1

Kuambi bualu, kuyi muanji kuela meji. Kulayi Mvidi Mukulu malaya ebe lukasa lukasa. Mvidi Mukulu udi mu diulu, wewe udi pa buloba. Nanku miaku iudi wamba ikale mikese.