Yobe 20:21 - MUKANDA WA MYIDI MUKULU

²¹ Padiye udia, kena ushila muntu tshintu. Kadi diakalenga diende kadiena dinenga.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Kakuakadi tshintu tshimue tshiakadiye kayi udia bua lukuka luandi; nunku diakalengele kadiena dishala kudiye.

Yobe 20:21 交叉引用

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Yobe 18:19

Muana nansha umue kakusangula diku diende. Muntu nansha umue wa mu muaba wabu, kakushala ne muoyi.

Yobe 15:29

Muntu mubi, kena mua kupeta biuma kabidi, nansha yeye mubipete, kena mua kushala nabi matuku mavule to. Kena mua kuikala ne diakalenga mu ditunga.

Yobe 15:21

Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yeshaya 5:9

Mvua mumvue Maweja-Nangila muena bukole buonsu uditshipa, wamba ne: “Ndi nditshipa ne: nzubu yonsu eyi nebayinyangakaje. Miaba minene yonsu idi milengeja bimpe, kabakuyisomba kudi bantu.

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Amosa 3:11

Ke mudi Maweja-Nangila Mvidi Mukulu nkujadikila wewe Samariya ne: “Baluishi nebanyungulukile ditunga diebe, nebashimbule bimana biuvua mukoleshe nabi bimenga, nebibe bidi mu nzubu yebe ya bukalenga.”