Yobe 19:9 - MUKANDA WA MYIDI MUKULU

⁹ Mmunyange lumu luanyi, mmunyenge bubanji bumvua nabu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Wakunvula butumbi buanyi, wakangumusha tshifulu tshia bukelenge ku mutu kuanyi.

Yobe 19:9 交叉引用

Misambu 89:44

Udi mutshipaje muele wende wa mvita, kuvua mumuambuluishe mu mvita to.

Muadi 5:16

Buneme buetu mbujike! Tudi ne diakabi, bualu tuvua benzele Maweja-Nangila bibi.

Misambu 89:39

Kadi wewe udi mubenge mukalenga uuvua mujidile, udi mumulekele, udi mumufikile munda.

Osheya 9:11

Lumu lua bena Efrayime nelujimine, bu mudi nyunyi ya mishamisha ibuka, ijimina. Kabena mua kulela bana, kabena mua kuenda ne difu munda, kabena nansha mua kuimita.

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yobe 30:1

Pashishe bansongalume badi ne bidimu bidi kabiyi bu bianyi, badi bandembakaja mpindiewu. Batatuabu kale kabavua ne mushinga nansha. Tshivua mua kuanyisha bua bambuluishe mbua yanyi ivua ilama bimuna bianyi.

Yobe 12:17

Mvidi Mukulu, udi wendesha ku makasa kutupu bavua balombola ditunga. Udi ujimija lungenyi lua bantu bavua balumbuluila bantu nabu.

Yobe 12:19

Nansha batuangaji babu, udi ubatuma mu bupika. Udi unyenga bantu bakane mianzu ivuabu bapete kale.

Yobe 16:15

Tshilamba tshia lufuila tshidi pambidi panyi diba dionsu. Ndi nsomba mu lupuishi, tshiyi kabidi ne bukole.

Nsumuinu 27:24

Bualu biuma kabiena bishala kashidi. Udi mumanye ne: nansha tshifulu tshia bumfumu katshiena tshisambuluka mu diku dimue kashidi to.

Misambu 89:40

Udi mupule ndondu uuvua mutue ne muena mudimu webe, udi munyange tshifulu tshiende tshia bumfumu, mutshiela panshi.