Yobe 13:28 - MUKANDA WA MYIDI MUKULU

²⁸ Kadi ndi amu bu mutshi mumane kuuma, nansha bu tshilamba tshimana kudia kudi musuasua.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ kadi meme ndi bu tshintu tshibole tshidi tshinyanguke, bu tshilulu tshidi tubayibayi tumane kudia.

Yobe 13:28 交叉引用

Misambu 39:11

Ukadi muntuute, mbikumbane. Mituutu yebe idi mipite.

Yobe 4:19

Nanku, mmunyi mudiye kayi mua kudiwula bantu badi basomba pa nzubu ya pa buloba, bana bavuabu bafimba ne diima, badibu mua kudiata bu tunkenene.

Osheya 5:12

Mpindiewu, meme Maweja-Nangila ndi bu tshiuja ne tufina kudi bena Efrayime. Ndi bu mputa mubole wa lubangu kudi bena Yuda.

Dibadika 12:12

Mubidi wa Miriyame kawena mua kunyanguka, ufiondoka makoba bu wa muana mufuile munda!

Yakobe 5:2

Biuma bienu mbibole. Misuasua neyidie bilamba bienu.

Yobe 2:7

Nanku mufundianganyi kumuka muaba uvua Mvidi Mukulu. Kutuaye Yobe disama dibi dia pa dikoba, mubidi wende mujima kunyanguka biangatshile ku dikasa too ne ku mutu.

Yobe 17:14

Ndi ngambila lukita luanyi ne: “Wewe ke tatu wanyi.” Ndi ngambila bikusu ne: “Nuenu ke mamu wanyi, ne muanetu wa bakaji!”

Yeshaya 50:9

Eyowa, Maweja-Nangila Mvidi Mukulu udi umbingisha. Udi mua kungamba ne: udi muena tshibawu nnganyi? Bena lukuna banyi nebasunsuke bonsu, mudi tshilamba tshisunsuka, padibu batshidia kudi musuasua.

Yobe 7:5

Bikusu ne biuwuja bidi pambidi panyi ponsu. Mubidi wanyi udi mutapika mputa, ipatuka tufina.

Misambu 39:12

Paudi unyoka muntu bua bilema biende, udi umulengeja. Kadi udi umusha bionsu bidi muntu unanga, bu mudi tshishi tshidia tshimuma. Bushuwa, muntu udi amu bu lupepele.