Yobe 12:7 - MUKANDA WA MYIDI MUKULU

⁷ Kadi wanji kukonka nyama ne nyunyi, nebikulongeshe.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi ukonke nyama mene, ne yoyi neyikuyishe; ukonke nyunyu ya mulu ne yoyi neyikuambile;

Yobe 12:7 交叉引用

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Nsumuinu 6:6

Wewe muena lulengu, uye kumona musuasua. Ubatamine bibidilu biawu, upeteleku meji.

Yirmeya 8:7

Nyunyi wa kasonga nyunyi udi mumanye tshikondu tshidiye umuangala. Nyunyi wa nkutshi, kandindi, ne nyunyi wa mudinga, idi anu mimanye diba dia kupingana. Kadi, bantu banyi bena Izrayele, kabena bamanye mikenji yanyi meme Maweja-Nangila.

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Yobe 12:6

Bena tshikisu badi basomba kabayi bapampakana. Badi bajula tshiji tshia Mvidi Mukulu badi ne ditalala. Bukole buabu ke wabu mvidie, kabena bamanye mvidie mukuabu.

Yobe 12:8

Nanku ebeja buloba, nebukuambile malu. Mishipa idi mu mayi manene neikulongeshe malu a bungi.

Genese 1:21

Mvidi Mukulu kufuka minyinyi minene ne mikese idi yenda mu mayi ya mishindu ne mishindu, ne nyunyi yonsu idi ibuka mulu ya mishindu mishilangane. Kumonaye ne bionsu bidi bimpe.

Genese 1:25

Mvidi Mukulu kufuka nyama ya pa buloba ya mishindu yonsu, bimuna ne bilandadi bia mishindu mishilangane. Kumonaye ne bionsu bidi bimpe.

Yobe 8:10

Kadi bankambua betu kabena mua kukulongesha, kukumvuija bivuabu balonga panu anyi? Nebabuelele tusumuinu ne:

Nsumuinu 30:24

Mudi mishindu inayi ya nyama mikese, kadi mikale ne meji a bungi pa buloba: