Yobe 12:22 - MUKANDA WA MYIDI MUKULU

²² Udi utuma butoke muaba udi miidima, uleja patoke bivua bisokome mu miidima.

Mukanda wa Nzambi Dihungila Dikulukulu ne Dihungila Dihia-dihia 2003

²² Udi usokolola malu adi masokoma mu mîdima, udi uhatula mufitu mufike fitutû bua kumuenekau mu munya.

Yobe 12:22 交叉引用

Danyele 2:22

Yeye udi utanduila bantu malu makole adi masokome. Udi mumanye malu adibu basokoke mu midima, bualu muaba udiye udi butoke.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

1 Korente 2:10

KadiMvidi Mukulu mmutusokoluele tuetu bualu busokome ebu ku bukole bua Mueyelu wa Tshijila. Bualu Mueyelu udi mua kujingulula bionsu, nansha meji masokome menemene adi Mvidi Mukulu wela.

Yobe 3:5

Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.

Matayi 10:26

— Nenku kanutshinyi bantu to. Bualu busokome buonsu nebumanyike. Bualu budi bantu kabayi bamanye, nebabumanye.

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.

Misambu 139:12

Miidima yandamuke butoke ku mesu ebe, butuku nebukenke bu munya; miidima nansha butoke bidi bia momumue ku mesu ebe.

Misambu 44:21

Bu tuetu bapue Mvidi Mukulu wetu muoyi, bu tuetu batendelela mvidie mikuabu,

Yobe 24:17

Bonsu aba badi batshisha ne miidima. Bualu mbibidilangane amu ne miidima ya butuku.

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

2 Bakalenga 6:12

Mulombodi mukuabu wa bena mvita kumuandamuna ne: — Mukalenga, munkatshi muetu kamuena muntu udi uya kuamba malu to! Kadi muambi Elisha udi mu Izrayele, udi umanyisha mukalenga wende wa bena Izrayele malu onsu, too ne audi wakula mu tshibambalu tshiebe tshia bulalu.

Misambu 139:11

Meme muambe ne: “Miidima imbuikile, butuku bungidile!”