Yirmeya 9:8 - MUKANDA WA MYIDI MUKULU

⁸ Maweja-Nangila udi wamba ne: Tshiena mua kunyoka bantu aba anyi? Tshiena mua kusombuela tshisamba tshia mushindu ewu anyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ludimi luabo ludi bu mukete wa lufu, ludi luamba mashimi; muntu udi wambila muena mutumba nʼandi mei a ditalala mukana muandi, kadi mu mutshima wandi udi umualamina bua kumukuata.

Yirmeya 9:8 交叉引用

Misambu 28:3

Kunteki kaba kamue ne bena tshikisu, badi bakengesha bakuabu, babambila miaku ya ditalala, kadi munda muabu muikale lonji.

Yirmeya 9:3

Nanku, muntu yonsu adimukile bantu bakuabu! Kanuena mua kutekemena nansha muanenu to. Bualu udi anu unudinga bu muvua Yakobe muenze. Balunda benu kabidi nebanujane.

Misambu 120:3

Nuenu badi baditshipa mitshipu ya dishima, ndikenga kaayi dianukengesha Mvidi Mukulu?

Misambu 57:4

Neantumine diambuluisha dia mulu. Neatatakaje udi undondakaja. Mvidi Mukulu udi pabuipi nanyi, bualu udi unnanga, ukumbaja malaya ende.

Misambu 55:21

Mulunda mubi udi uluisha balunda bende, upula ndondu uvuaye mutue nabu.

Misambu 12:2

Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

2 Samuele 3:27

Bamane kufika ne Abnere ku tshiibi tshia tshimenga, Yowabe kubuela nende mu tshimenga, kuya nende pa nkayende, bu udi musue kumuambila bualu bua musokoku. Muaba awu, Yowabe kutua Abnere muela mu difu. Kumushipaye bua kusombuela lufu lua muanabu Ashayele.

Yirmeya 9:5

Maweja-Nangila udi wamba ne: “Bantu aba badi anu bena buenzavi. Badi anu bashimangana. Kabena basue nansha kakese kumvuangana nanyi to.”

Yirmeya 5:26

Munkatshi mua bantu banyi bena Izrayele mudi bantu badi kabayi ne ditaba, kabayi balama mikenji. Badi bu bilembi bidi bialamina nyunyi bua kuyikuata. Basokome munkatshi mua mitshi, badi bateya bantu, babakuata.

Misambu 64:8

Kadi Mvidi Mukulu udi ubaludikila miketa yende, diakamue idi ibasa, ibatapa mputa.

Misambu 35:20

Kabena ne diyi dimpe, kadi badi amu bajana, bantu badi basomba talalaa mu ditunga.

Nsumuinu 25:18

Muntu udi ujadikila mukuende malu a dishima, udi umushipa, bu mudi tshikowa, muele wa mvita, nansha mukete mutue, bishipangana.

Yirmeya 9:4

Muntu yonsu udi udinga muntu nende. Kakuena muntu udi wamba malu malelela. Bantu bonsu mbamane kuibidila mua kudingangana. Mbenze bibi bitambe. Nanku, kabena ne mushindu wa kupingana kundi meme.”

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Misambu 12:3

Bantu bonsu badi amu bashimangana. Badi batua muntu makumbu, munda muabu bikale bamujana.

Misambu 62:5

Nudi amu ne meji mabi a kunyenga muanzu wanyi. Ke panudi nunshiminyina malu. Nudi betu ku mesu, mundamunda batuamba munga.

Yirmeya 5:9

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua tshisamba tshia mushindu ewu anyi?