Yirmeya 9:22 - MUKANDA WA MYIDI MUKULU

²² Maweja-Nangila udi wamba ne: “Muntu udi ne meji, kaditambishi bua meji ende to! Muntu udi ne bukole, kaditambishi bua bukole buende to! Muntu mubanji, kaditambishi bua bubanji buende to!

Mukanda wa Nzambi Dihungila Dikulukulu ne Dihungila Dihia-dihia 2003

²² Yehowa udi wamba ne, Amba biebe ne, Bitalu bia bantu nebihone hanshi mu madimi bu tunvi, ne bu mudi dianza dia maminu dimata hanshi ku nyima kua muhuodi; kakuena muntu wabisangisha.

Yirmeya 9:22 交叉引用

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Yirmeya 25:33

Dituku dikale malu aa mua kuenzeka, kakuakuila muntu nansha umue pa buloba bujima udi mua kudila bantu badi Maweja-Nangila ushipa. Kakuakuila muntu udi mua kuambula bitalu biabu bua kubajika. Nebishale panshi bu bufuke budi bufukisha buloba.

Sefanya 1:17

Maweja-Nangila udi wamba ne: “Nembueje bantu mu dikenga, nebababate mudi bampofu benza, bualu bavua bangenzela malu mabi. Mashi abu neatangalake miaba yonsu, bu mudi lupuishi. Bitalu biabu nebibole, mudi bintu bidibu bela ku dyala.”

Yirmeya 16:4

bonsu nebafue lulu lubi. Kabakumona udi mua kubadila nanshakubajika to. Bitalu biabu nebifukishe buloba. Nebafile mu mvita, nansha ku tshiyole tshia nzala. Bitalu biabi nebabizokole kudi nyunyi ya mikanku, babidie kudi nyama ya mibuabua.

Yeshaya 5:25

Nanku Maweja-Nangila mmufikile bantu bende munda. Mmubakanyine, mubatume. Mikuna imona nanku, kuzakalayi. Bitalu bia bantu kushala panshi mu misesu, bu butu bua kuimansha mu dyala. Kadi tshiji tshia Maweja-Nangila katshiena tshijike to. Udi amu ukanyina bantu bende.

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Yirmeya 7:33

Bitalu bia bantu aba nebabidie kudi nyunyi ya mikanku ne nyama ya mibuabua. Muntu kena uyipata to.

2 Bakalenga 9:37

Minyinyi ya Yezabele ikale mishale, nebayimiamine mu budimi ebu bu bufuke buela panshi. Nanku, muntu kakumanya kabidi ne ewu ke Yezabele to!”

Yirmeya 6:21

Nanku, Maweja-Nangila udi wamba ne: Nenteye bantu aba mu njila, bua badishinde bonsu, batatu, bana babu, bena mutumba ne balunda babu. Nebabutuke bonsu.

Dielulula 8:17

Kadi kanuedi meji ne: nudi badipetele diakalenga ku bukole buenu nkayenu to.

2 Bakalenga 20:13

Izkiya kuakidila bantu abu, kubaleja miaba yonsu ivuabu bateka bintu bia mushinga mukole: tshiamu tshitoke tshia mushinga mukole, tshiamu tshia mpawungi, manananshi, ne mafuta a mupuya muimpe. Kubalejaye kabidi muaba uvuaye uteka bia mvita, ne bintu bionsu bikuabu. Kavua mubasokoke tshintu nansha tshimue, mu nzubu wa bukalenga, nansha mu ditunga diende dijima.

2 Bakalenga 20:15

Yeshaya kumukonka kabidi ne: — Mu nzubu webe wa bukalenga bavua bamone tshinyi? Izkiya kuandamuna ne: — Bavua bamone bintu bionsu bidimu. Tshiena mubasokoke tshintu nansha tshimue, tshia ku bintu bionsu bindi muteke.

Yobe 5:13

Udi ukuata bena meji mu budimu buabu. Ngenyi yabu kayena ibapetesha kantu.

Misambu 49:7

Badi batekemena amu ku mpetu yabu, baditemba bua bubanji budibu nabu.

Nsumuinu 18:11

Kadi muena biuma udi utangila biuma biende bu tshimenga tshikolesha ne bimana, wela meji ne: ke bidi bindama.

Nsumuinu 23:4

Kuipatshidi biuma. Kuteki nansha meji ebe koku.

Abakuke 1:11

Badi bafika lubilu bu mvunde, bakudimuka, baya. Bukole buabu ke nwidie wabu!