Yirmeya 9:21 - MUKANDA WA MYIDI MUKULU

²¹ Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua lufu luakubanda, luakubuela mu madidishi etu, luakubuela mu nsubu ya bakelenge betu bua kushihalu bana betu bakese ne kubumusha mu misesu ne bansongalume betu ku miaba idi bantu bunguila.

Yirmeya 9:21 交叉引用

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Yirmeya 15:7

Mu tshimenga tshionsu tshia ditunga, mvua muenze ne bantu banyi bu muntu udi upepula bintu, bua lupepele luya ne bisota. Mvua mutangalaje bantu banyi. Mvua mushipe bana badibu balela. Kadi kabavua bapingane kundi.

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

Yeshaya 40:30

Bansongalume mene, badi bateketa, bapungila. Nansha bilobu kabidi bitu bidishinda panshi.

Yirmeya 6:21

Nanku, Maweja-Nangila udi wamba ne: Nenteye bantu aba mu njila, bua badishinde bonsu, batatu, bana babu, bena mutumba ne balunda babu. Nebabutuke bonsu.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yirmeya 44:7

Yirmeya kuamba ne: — Mpindiewu Maweja-Nangila wa bukole buonsu Mvidi Mukulu wa Izrayele udi unukonka ne: “Nuenu nudi basue kudienzela anu bibi bua tshinyi? Nudi basue kujimija tshisamba tshijima tshia bena Yuda, balume, bakaji, bansonga ne bana batekete mene, anyi? Nudi basue bua bena Yuda bonsu bafue anyi?

Yirmeya 50:30

Maweja-Nangila udi wamba ne: “Bansongalume ba mu Babilone nebafue mu misesu, bena mvita bende bonsu nebabashipe anu dituku adi.”

Yowele 2:9

Idi itangalaka mu tshimenga, ibanda pa bimana, ibuelela mu nzubu ku madidishi bu bivi.

Amosa 6:9

Mu diku mudi bantu bashale amu dikumi, nebafue.

Yirmeya 7:33

Bitalu bia bantu aba nebabidie kudi nyunyi ya mikanku ne nyama ya mibuabua. Muntu kena uyipata to.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Amosa 5:2

Izrayele nnsongakaji udi mufue, tshitalu tshiende tshitshidi panshi. Kakujuka kabidi to. Mbamulekele pa buloba buende: muntu nansha umue kena umujula!

Sefanya 1:17

Maweja-Nangila udi wamba ne: “Nembueje bantu mu dikenga, nebababate mudi bampofu benza, bualu bavua bangenzela malu mabi. Mashi abu neatangalake miaba yonsu, bu mudi lupuishi. Bitalu biabu nebibole, mudi bintu bidibu bela ku dyala.”