Yirmeya 9:11 - MUKANDA WA MYIDI MUKULU

¹¹ Muntu udi ne meji makumbane, bua kutujinguluila bualu ebu udiku anyi? Pikala Maweja-Nangila mumumanyishe bualu ebu, atuandamune ne: ditunga ndinyanguke bua tshinyi? Didi dishale anu tshipela, muntu kayi upitshilamu bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nenvuishe Yelushalema bu diala ne bu muaba udi mibuabua nushikame; nenvuishe misoko ya mu Yuda bikulu bidi kabiyi ne bantu.

Yirmeya 9:11 交叉引用

Yeshaya 25:2

Wewe uvua mudishimbuile tshimenga, tshishale dikolu, uvua mubutule tshimenga, tshivuabu bakoleshe ne bimana, tshishale munda mutupu kamuyi bantu. Muaba uvua bena ditambisha bakoleshe ne bimana, kautshiena kabidi tshimenga to. Kabena mua kuwibakulula kabidi nansha.

Yirmeya 51:37

Nembutule tshimenga tshia Babilone, netshishale muaba udi nyama ya mibuabua ilala, tshimenga tshidi bantu kabayi mua kuasa, tshidi tshikuatshisha bantu bowa, tshidi bantu batele bazakala.

Yirmeya 10:22

Telejayi, umvuayi. Mutoyi munene udi wenda usemena pabuipi, ufuma ku mutu kua ditunga. Bena mvita mbanyange bimenga bia bena Yuda, bishale tshipela, bishale miaba idi nyama ya mibuabua isomba.

Yeshaya 34:13

Mitshi ya meba idi imena mu nzubu ya bukalenga. Mpesa ne mingonga, bidi bitoloka mu bimenga bivuabu bakoleshe ne bimana. Mibuabua idi inayilamu, nyunyi ya kafyondu iladilamu.

Yeshaya 13:22

Nyama ya bimungu neilale mu nzubu minene ya mu tshimenga. Nyama ya mibuabua neidile mu nzubu ya bakalenga. Tshikondu tshia kubutula Babilone tshikadi pabuipi. Bakadi bamane kubala matuku ende.

Mika 3:12

Nanku bualu buenu, Siyone neikale bu budimi, budibu babundulula ne lukasu. Yerushalayime neashale makolu. Mukuna wa nzubu wa Mvidi Mukulu nebaubuikile kudi tshipuka.

Muadi 3:47

Tshidi tshituindila tuetu: ke bowa ne dijimba, tshinyangu ne dibutuka.

Muadi 2:2

Maweja-Nangila kubutula buloba bua bantu bende, kayi luse. Bua tshiji tshiende, kushimbulaye bimenga bia Yuda, bivuabu bakoleshe ne bimana. Kunyangaye bukalenga, kufuishaye balombodi babu bundu.

Yirmeya 34:22

nentume diyi bua tshipingane, tshiluishe tshimenga etshi, tshi tshikuate, tshitshioshe. Bimenga bia Yuda nebishale tshipela. Ke mundi meme Maweja-Nangila ngamba nanku.”

Yirmeya 26:18

— Mu tshikondu tshia Izkiya, mukalenga wa bena Yuda, muvua muambi mukuabu, dina diende mMika, wa mu Mereshete. Uvua muambile bantu bonsu ba mu Yuda ne: Maweja-Nangila wa bukole buonsu udi wamba ne: “Siyone neikale bu budimi budibu babundulula. Yerushalayime neashale bu mu dikolu. Mukuna, muaba udi nzubu wa Mvidi Mukulu, newikale bu ditu.”

Yirmeya 25:11

Musoku wenu ewu newikale amu tshipela. Bisamba bionsu ebi nebikale mu bianza bia Nebukadnesare, mukalenga wa bena Babilone, bidimu makumi muanda mutekete.

Misambu 79:1

Musambu wa mu mukanda wa misambu ya Asafe. Eyi, Mvidi Mukulu, bantu benyi mbanyange muaba webe uudi usomba, mbashiye mikiya mu nzubu webe wa tshijila, Yerushalayime mmushale kabutu.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Mika 1:6

Maweja-Nangila udi wamba ne: “Bua malu aa, nengandamune Samariya, ashale dikolu, muaba udibu bakuna mionji ya mvinyo. Nembunguluje mabue ende, aye muinshi mua lupongu. Nemmueneshe bitaku biende patoke.

Yirmeya 26:9

Mmunyi mudi mulumiana ewu mua kuambila bantu mu dina dia Maweja-Nangila ne: nebupule nzubu wa Mvidi Mukulu ewu, muvuabu bupule wa mu Shilo; nansha ne: tshimenga etshi netshibutuke, bantu kabayi kabidi basombamu. Nanku bantu bonsu bavua mu nzubu wa Mvidi Mukulu kunguilabu bua kuluisha Yirmeya.

Yirmeya 25:18

Meme kutuadija kunuisha bena mu Yerushalayime, bena mu bimenga bia Yuda, bakalenga ba balombodi ba mu bukalenga, bua kubabutula bonsu. Ditunga diabu ndishale lubuwa. Bionsu ebi, nebikemeshe bantu. Nebibeleshe bibingu. Nanku bantu nebatshipe batela tshilejilu tshiabu.

Yeshaya 44:26

Kadi ndi nkumbaja, bivua bantu banyi bamba. Ndi nkumbaja malu avua bantu, bamvua mutume, bamane kumanyisha. Ndi njadika ne: ‘Bantu nebasombe tshiakabidi mu Yerushalayime. Nengasulule bimana bia tshimenga.’ Ndi ngamba kabidi ne: ‘Nebasulule bimenga bia bena Yuda.’

Nehemya 4:2

Kudisangishabu bonsu bua kuluisha bena mu tshimenga tshia Yerushalayime, ne kujula tshimvundu.

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.

Lewitiki 26:32

Nennyangakaje ditunga dienu bikole. Nansha baluishi benu bine bapinganamu, nebakeme be.

Misambu 44:19

Katuena nansha bakubenge, katuena bapambuke mu njila webe.

Yirmeya 1:15

Teleja tshindi ngamba: Nembikile bantu bonsu ba mu makalenga a ku mutu kua ditunga. Bamfumu babu nebafike, nebateke nkuasa yabu kumpala kua biibi bia Yerushalayime. Bimana bia Yerushalayime, ne bimenga bionsu bia bena Yuda, nebabinyungulukile bua kubikuata.

Yirmeya 4:27

Maweja-Nangila udi wamba ne: “Ditunga dijima nedishale amu tshipela tshidi tshikuatshisha bantu bowa. Kadi, tshiena musue kubutula bintu bionsu to.

Yirmeya 44:2

— Maweja-Nangila wa bukole buonsu, Mvidi Mukulu wa Izrayele, udi wamba ne: “Nuvua bamone makenga onsu amvua mutumine bena Yerushalayime ne bimenga bikuabu bia Yuda. Bimenga ebi lelu mbimane kubutuka bishale makolu.

Yirmeya 49:33

Tshimenga tshia Ashore netshikale muaba udi nyama ya mibuabua ilala, tshipela tshidi tshikuatshisha bowa kashidi. Muntu nansha umue kakuasamu nansha kusokomamu to.

Yirmeya 50:3

Tshisamba tshidi tshiluisha Babilone, netshifumine ku mutu wa ditunga. Netshinyange ditunga, dishale tshipela tshidi tshikuatshisha bantu bowa. Muntu nansha umue kakusombamu. Bantu ne nyama bionsu nebinyeme.

Muadi 1:4

Njila idi ifumina ku Siyone idi ne madilu, bualu bantu kabena bafika kabidi ku bibilu bia disanka. Biibi bia Siyone bidi buashi. Batuangaji bende badi batua mikemu. Nsongakaji yende mmibungame. Malu onsu adi mamubipile!

Dielulula 29:23

Nanku, bantu ba bisamba bikuabu bionsu, pamonabu bualu ebu, nebakeme, bebejangana ne: “Maweja-Nangila uvua ne tshiji tshikole nanku bua tshinyi? Uvua mukengeshe bena ditunga edi mushindu ewu bualu kaayi?”

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Yirmeya 8:22

Mu Ngilaade kamuena buanga, nansha munganga anyi? Mputa wa bantu banyi bena Izrayele, kena mua kuma bua tshinyi?

Yirmeya 16:10

Pawambila bantu aba bualu ebu, nebakukonke ne: “Maweja-Nangila udi musue kututumina dikenga bunene nanku bua tshinyi? Tudi benze bualu bubi kaayi? Tudi benzele Maweja-Nangila Mvidi Mukulu bibi mushindu kaayi?”