Yirmeya 7:24 - MUKANDA WA MYIDI MUKULU

²⁴ Kadi kabena bitabe to, kabena banteleja to. Kulondabu anu meji abu, ne tshitunu, kabidi ne lonji. Pa mutu pa bena Izrayele kupinganabu kundi, mbambenge.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.

Yirmeya 7:24 交叉引用

Yirmeya 8:5

Kadi, bena mu Yerushalayime badi bapambuke mu njila, kabena bapingana mu njila bua tshinyi? Badi anu batungunuka ne kutendelela mvidie ya tshianana? Kabena basue kupingana kundi.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Dielulula 29:19

muntu awu, Maweja-Nangila kakumufuila luse to. Kakuanyisha nansha kakese muntu udi umutombokela. Neamufuile munda bikole. Neamunyoke ne manyoka onsu mashilangane, adibu bafunde mu mukanda ewu. Kabakuvuluka nansha dina diende kabidi pa buloba to.

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yirmeya 32:33

Pa mutu pa kupingana kundi meme, badi amu bambenga. Eku meme mvua mbabela amu kubabela. Kadi muntu nansha umue kena muitabe, ki mmuteleje mene mibelu yanyi.

Osheya 4:16

Bena Izrayele mbatomboke bu ngombe ubenga kukoka ditempu. Nanku Maweja-Nangila udi mua kunudisha mu mpata munene, bu mudiye udisha bana ba mikoku anyi?

Yezekiyele 20:21

Kadi bana babu kabidi bavua bantombokela. Kabavua bakumbaje mikenji yanyi. Kabavua balame meyi anyi adi afikisha muntu udi walama ku muoyi. Bavua banyanga dituku dia Dikisha. Diba adi, mvua mujadike ne: nembanyoke ne tshiji. Ndi musue kubajikijilatshi mu tshipela.

Yezekiyele 20:8

“Kadi bena Izrayele kuntombokela, kubenga kungitaba. Muntu nansha umue kavua mubenge mvidie ya dishima ivuaye utendelela. Kavua muimanshe mpingu ya bena Ejipitu. Diba adi meme kushindika ne: nembanyoke ne tshiji. Nkavua musue kubabutuila mu Ejipitu mene.

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yirmeya 3:17

Bualu tshikondu atshi, nebinyike Yerushalayime ne: “Nkuasa wa bukalenga bua Maweja-Nangila.” Bisamba bionsu nebisangile mu Yerushalayime bua kuntumbisha. Nebalekele tshitunu tshivuabu natshi tshia kuenza buenzayi bu bantu bapale.

Yirmeya 2:27

Nudi nuambila lupingu lua mutshi ne: “Wewe ke tatu wetu!” Nudi nuambila lupingu lua dibue ne: “Wewe ke mamu udi mutulele!” Pa mutu pa nuenu kupingana kundi meme Maweja-Nangila, nudi bangele nyima. Kadi panuapeta dikenga, nenumbikile nuamba ne: “Luaku, utupandishe!”

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Yezekiyele 20:16

Mvua muditshipe nanku, bualu bavua babenge kulama meyi ne mikenji bianyi, kabidi bavua banyange dituku dianyi dia Dikisha. Bavua bitaba anu mvidie yabu.

Yirmeya 23:17

Bantu badi baseka tshindi ngamba, bambi badi ne dikamakama dia kubambila ne: ‘Bionsu nebiende amu bimpe.’ Bantu batshimbakane badi batungunuka ne tshitunu tshiabu, bambi badi babambila ne: ‘Dikenga kadiakunukuata to.’

Yirmeya 9:14

Nanku, meme Maweja-Nangila wa bukole buonsu Mvidi Mukulu wa bena Izrayele ndi ngamba ne: Nendishe bantu aba biakudia bia bululu, nembanuishe mayi mabi adi ne lulengu.

Yirmeya 13:11

Mudi muntu usuika mukaba mu tshimonu tshiende, ke mumvua meme Maweja-Nangila mudisuike ku bukalenga bua Yuda ne bua bena Izrayele. Mvua muteke lumu luanyi mu bianza biabu, bua bikale bantu banyi, bua batumbishe dina dianyi, bampeteshe lumu, bua meme kuditemba nalu. Kadi kabavua banteleja to.”

Yirmeya 16:12

Nuenu kabidi nudi nuenza malu mabi mapite, avua baledi benu kabayi benza. Yonsu wa kunudi udi unanukila kuenza anu malu mabi ne muoyi mubi wa tshitunu. Muntu nansha umue kena uteleja tshindi ngamba.

Yirmeya 17:23

Bushuwa bankambua benu kabavua banteleje, kabavua bavuluke bimvua muambe. Bavua bantombokele. Bavua ne tshitunu, babenge mikenji yanyi.

Yirmeya 18:10

Kadi padi tshisamba etshi tshienza malu andi mubenge, tshipanga kuteleja mibelu yanyi, tshiena nkumbaja malu mimpe amvua mubalaye nansha.”

Yirmeya 18:12

Kadi badi bandamuna ne: “Nansha kakese! Katuena basue kuenza malu mimpe. Netuenze anu malu mabi, netuikale bena tshitunu amu mutudi basue.”

Yirmeya 35:15

Meme kunutumina bantu banyi bavule, bambi, bua banuambile ne: ‘Muntu yonsu wa kunudi adilengeje. Enzayi malu mimpe. Kanulamatshi mvindie ya bantu ba bisamba bikuabu bua kuyitendelela. Nenku nenusombe mu buloba bumvua munupeshe nuenu ne bankambua benu.’ Kadi kanuvua banteleje ne ntema, kanuvua bangumvue nansha.

Osheya 10:6

Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Misambu 81:13

Nenku, meme kubalekela mu tshitunu tshiabu, bua benze tshidibu basue.

Yirmeya 3:13

Kadi utonde bubi buebe, bualu uvua muntombokele meme, Maweja-Nangila Mvidi Mukulu webe. Uvua muye miaba yonsu kudi mvidie ya bisamba bikuabu. — Wewe kuikisha muinshi mua mitshi yonsu ivua ne dileji dia bungi. — Kuena munteleje to. Ke miaku ya Maweja-Nangila.

Yirmeya 6:16

Maweja-Nangila udi wamba ne: Anji imanayi mu njila. Nuele meji a bivua binuenzekele kale. Nukonke bankambua benu. Nanku nusungule njila muimpe. Nulonde njila awu bua nupete dikisha. Kadi kubengabu bamba ne: “Katuena tulonda njila muimpe to.”

Yirmeya 13:10

Bualu ntshisamba tshibi tshidi tshibenga kuteleja malu andi ngamba. Badi anu ne tshitunu, benza malu a bupote. Badi balamate mvidie mikuabu, bayitendelela, bayinyikila mitu panshi. Nanku bantu aba bikale bu mukaba ewu, udibu kabayi mua kukuata nawu kabidi mudimu!

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Yirmeya 22:21

Mvua mukubele, pavua bualu nansha bumue kabuyi buanji kuenzeka. Kadi wewe kuandamuna ne: “Tshiena musue kuteleja nansha.” Ke muuvua wenza misangu yonsu, biangatshile ku buana buebe! Kuena muteleje musangu nansha umue, bimvua nkuambila.

Yirmeya 32:23

Bushuwa, bavua bangata ditunga edi. Kadi kabavua bateleja tshiuvua wamba. Kabavua balonda mikenji yebe. Kabavua benza tshiuvua mubatumine diyi. Ke muuvua mutume makenga onsu aa atudi tumona lelu.

Danyele 9:6

Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.

Zekâya 7:11

Kadi bantu bavua babenga kuteleja. Bawa bangela nyima, bajibika ne matshi, bua kabumvu.