Yirmeya 7:19 - MUKANDA WA MYIDI MUKULU

¹⁹ Ndi nkukonka ne: udibu bapenda mmeme anyi? Nansha kakese! Badi badipenda bobu, badifuisha ne bundu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa udi ukonka ne, Badi bankuatshisha meme tshiji, anyi? Kabena badihishisha bua kudifuisha bundu, anyi?

Yirmeya 7:19 交叉引用

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Yirmeya 20:11

Kadi Maweja-Nangila wewe udi ne bukole! Wewe udi unduila meme mvita. Badi bankengesha, badishinde. Nebapange tshia kuenza. Bu mudibu kabayi bapeta tshintu, nebafue bundu. Kakuena muntu wapua bualu ebu muoyi.

Yirmeya 9:19

Nanku, nuenu bakaji, telejayi diyi dia Maweja-Nangila. Telejayi tshidiye wamba. Longeshayi bana benu ba bakaji mua kuela muyenga. Nsongakaji yonsu alongeshe muena mutumba nende, mudi kudila mushindu ewu:

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yeshaya 45:16

Kadi mona benji ba mpingu: nebafue bundu, nebende bonsu biname mpala panshi, bu bantu bavuabu badinga.

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Yobe 35:6

Paudi wenza bibi udi ukengesha Mvidi Mukulu anyi? Bilema biebe bionsu bipite bungi, bidi bimuenzela tshinyi? Tshintu nansha tshimue.

Ezela 9:7

Tshikondu tshia bankambua betu too ne mpindiewu, tshisamba tshietu tshivua tshienza bibi bitambe. Ke pavuabu batukengesha, bakengesha bakalenga betu ne batuangaji betu, kudi bakalenga ba bisamba bikuabu. Bavua batuluisha, baya netu ku bupika, banyanga bintu bietu, babakuatshisha bundu, bu mudibu benza ne lelu mene ewu.

Dielulula 32:16

Bena Izrayele bavua bafikisha Maweja-Nangila munda, benza malu mabi, batendelela mvidie ya bisamba bikuabu.

Yirmeya 2:17

Bionsu ebi mbienzeke, bualu nuenu bena Izrayele nudi badikebele diakabi. Nudi babenge Maweja-Nangila, Mvidi Mukulu wenu, uvua unulombola mu njila.

Yirmeya 8:19

Telejayi, bantu banyi bena Izrayele, badi badila muadi mu ditunga dionsu, bakeba udi mua kubambuluisha, bamba ne: “Maweja-Nangila kena kabidi mu Siyone anyi? Siyone kena kabidi ne mukalenga anyi?” Kadi bena Izrayele neatendelele mvidie ya bantu ba bisamba bikuabu, ya mitshi misonga, idi kayiyi mua kubambuluisha bua tshinyi? Bavua bamfikisha munda bua tshinyi?

Yirmeya 15:9

Mamu muena bana muanda mutekete, uvuabu bela ka lumbandi, udi ushala kayi ne muana. Kena ne mushindu wa kueyakana bimpe kabidi to. Diende diba divua dibuela munda munya. Bundu buamukuatshi! Lumu luende ndujimine! Pikala bakuabu bashale ne muoyi, baluishi babu nebabashipe. Meme Maweja-Nangila ndi njadika nanku.

Yirmeya 22:22

Balombodi bebe nebaye nabu, mudi lupepele lujula bintu. Balunda bebe nebabuele mu bupika. Malu mabi onsu auvua muenze, neakukebele anu bundu ne kapeja.

Yirmeya 25:7

Maweja-Nangila udi wamba ne: kanuvua banteleje to. Nanku bu munuvua bamfikisha munda ne mvidie inuvua benze, nenupete diakabi.

Yirmeya 44:3

Bualu bantu badi basombamu bavua bangenzele bibi, bamfikishe munda. Bavua baye kulambula ne kutendelela mvidie ya bantu ba bisamba bikuabu. Kadi mvidie ayi, nansha nuenu, nansha bankambua benu, kanuvua bayimanye to.

Yezekiyele 16:26

Wewe kuenda tshiendenda ne bena Ejipitu, bena mutumba bebe badi ne bukole. Wewe kumfikisha munda ne buendenda buebe buvule.

Yirmeya 3:25

Tulalayi panshi bua bundu. Bundu butubuikile! Bualu tudi benzele Maweja-Nangila Mvidi Mukulu wetu bibi, ne tuetu ne baledi betu. Biangatshile ku buana buetu too ne mpindiewu, katuena bateleje bivua Maweja-Nangila Mvidi Mukulu wetu mutuambile.