Yirmeya 7:18 - MUKANDA WA MYIDI MUKULU

¹⁸ Bana badi bangula nkunyi, batatu batemesha kapia, bakaji balamba mikata bua mvidie udibu binyika ne: mukalenga mukaji wa mu diulu. Padibu balambula milambu ya maluvu a mvinyo kudi mvidie ya bantu ba bisamba bikuabu, badi bampenda meme Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bana badi bangula nkunyi, batatu babo badi batemesha kahia, bamamu babo badi benza mampa, badi balambila mukelenge mukashi wa mu diulu mikata, badi bahongoluela nzambi mikuabo milambu ya bia kunua bua kunkuatshisha tshiji.

Yirmeya 7:18 交叉引用

Yirmeya 19:13

Nzubu ya mu Yerushalayime ne ya bakalenga ba mu Yuda neikale ne mikiya bu muaba ewu wa Tofete. Bualu kulu kua nzubu eyi bavua balambuilaku musenga wa kamonya, bua kutendelela tshituilu tshia mitotu, bavua balambuilamu mvidie ya bantu ba bisamba bikuabu milambu ya maluvu.”

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

1 Bakalenga 14:9

Wewe udi muenze bibi, mupite bonsu bavua bakudianjidile mu bukalenga. Udi mumfikishe munda, bualu udi musonge mpingu ya mvidie ya bisamba bikuabu. Ke paudi mumbenge meme Maweja-Nangila.

Yirmeya 32:29

Bena Babilone badi batshiluisha mpindiewu, nebabuelemu. Nebatshinyenge, batshioshe. Neboshe nangananga nzubu eyi ivuabu bampendele pa kuosha musenga wa kamonya bua kutendelela Baale, ne pa kulambula milambu ya maluvu bua kutendelela mvidie ya bantu ba bisamba bikuabu.

Yirmeya 25:7

Maweja-Nangila udi wamba ne: kanuvua banteleje to. Nanku bu munuvua bamfikisha munda ne mvidie inuvua benze, nenupete diakabi.

Yirmeya 11:17

Maweja-Nangila wa bukole buonsu uvua mukune Izrayele ne Yuda. Kadi udi ubambila lelu ne: nennubutule. Dikenga edi nedinukuate bua bubi bunuvua benze. Bualu nuvua bampende, balambule mvidie Baale milambu.

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

1 Bakalenga 16:2

— Wewe Basha uvua muntu tshianana. Meme kukusungula munkatshi mua bantu banyi bena Izrayele bua wewe kushala mukalenga wabu. Kadi, udi muenze malu mabi bu muvuabu benza kudi Yerobowame. Udi mufikishe bena Izrayele ku dienza bibi. Nanku, bena Izrayele mbamfikishe munda bua bubi buabu.

Dielulula 32:21

Bena Izrayele mbamfikishe munda, bajule tshiiji tshianyi, bualu neatendelele mvidie ya dishima. Nanku meme nembasongakaje ne tshisamba tshia bantu, tshidi katshiyi tshisamba mene. Nenjule tshiiji tshiabu, ne bantu badi kabayi ne lungenyi.

Dielulula 32:16

Bena Izrayele bavua bafikisha Maweja-Nangila munda, benza malu mabi, batendelela mvidie ya bisamba bikuabu.

Dielulula 4:19

Kanutangidi mulu bua kutendelela diba, ngondu, mitotu, nansha bintu bionsu bidi mu tshibuashibuashi. Kanubienzedi mudimu, kanubikukuidi. Maweja-Nangila mmuitabe anu bua bisamba bikuabu bitendelele bintu abi.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yirmeya 44:25

Maweja-Nangila wa bukole buonsu Mvidi Mukulu wa Izrayele, udi unuambila ne: “Nuenu mene, ne bakaji benu, nuvua nuamba ne: netukumbaje malaya atuvua balaye Mukalenga mukaji wamu diulu. Nuvua bambe ne: netulambule milambu ya manananshi ne ya maluvu. Nuenu benza nanku, mbimpe! Nukumbaje tshinuvua bambe. Enzayi tshinuvua balaye!

Yeshaya 65:11

Kadi nuenu badi bengela nyima, badi bapua njila wa mukuna wanyi wa tshijila muoyi, nennuenzele tshinyi? Nuenu nudi nufila biakudia kudi mvidie Ngade, bua kupeta dikasa dimpe. Nudi nulambula mvidie wa Meni, maluvu mashilangane bua kuepuka dikasa dibi!

Yeshaya 65:3

Ke bantu badi bamfikisha tshiji misangu yonsu ku mesu a bantu. Badi balambula milambu mu mpangu yabu, boshila mvidie yabu ya tshianana manananshi pa bilambuilu bia tushole.

Yeshaya 57:6

Mabue a busenu a mu musulu, ke tshiuma tshienu tshinudi nutendelela. Anu mabue awu ke anudi nulambula, nunuisha maluvu, ke anudi nulambula bia pa madimi. Ndi nnuebeja ne: bionsu ebi bidi mua kunsankisha anyi?

Misambu 16:4

Bonsu badi bakeba bua mvidie mikuabu ibambuluishe, badi badikebela makenga. Mvidie eyi tshiena nyilambula milambu ya nyama, tshiena nansha ntela mena ayi.

Yirmeya 7:17

Udi mumone bionsu bidibu benza mu bimenga bia bena Yuda ne mu misesu ya mu Yerushalayime anyi?

Yirmeya 17:2

Bualu bena Yuda badi batendelela mvidie, bayilambula milambu, bayashila makunji kuinshi kua mitshi, pa mikuna,

Muadi 5:13

Bansongalume badi bambula dibue dia tshipelelu, bana ba balume badi batetuka, bua bujitu bua nkunyi.

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Yezekiyele 16:26

Wewe kuenda tshiendenda ne bena Ejipitu, bena mutumba bebe badi ne bukole. Wewe kumfikisha munda ne buendenda buebe buvule.

Yirmeya 1:16

Nennyoke bena ditunga nanku, bilondeshile mushindu undi mukose tshilumbu tshiabu, bua malu mabi onsu adibu benze. Bantu aba bavua bambenge meme, baye kulambula milambu kudi mvidie mikuabu. Bavua batendelele mvidie, mvidie ivuabu badienzele!

Yirmeya 44:4

Meme kunutumina bambi misangu ne misangu, bena mudimu banyi, bua nulekele kuenza malu mabi andi mubenge.

Yezekiyele 8:16

Mvidi Mukulu kungambula, kuya nanyi too ne mu lubanza lua munda mua nzubu wende. Ku tshibuelelu tshia nzubu wa Mvidi Mukulu pankatshi pa lutanda ne tshilambuilu, pavua bantu balume bu makumi abidi ne batanu. Bavua bela nyima ku nzubu wa Mvidi Mukulu, batangile luseke ludi diba dipatukila. Bavua batua binu bua kukukuila diba.