Yirmeya 6:11 - MUKANDA WA MYIDI MUKULU

¹¹ Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku nakûla tente ne tshiji tshidi Yehowa nʼatshi; kutshikanda kudi kuntonda. Utshihumuine ha bana badi mu misesu, ne bansongalume bunguila hohamue; nebakuate mulume ne mukashi wandi, nebakuate muntu mununu ne muntu udi ne matuku makumbane.

Yirmeya 6:11 交叉引用

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Yirmeya 9:21

Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Mika 3:8

Kadi meme ndi ne bukole bua bungi. Maweja-Nangila mmunguwuje ne Mueyelu wende. Ndi ndongesha bantu ne muoyi mukole, mbambila bidibu ne bua kuenza. Ndi mbela bena Izrayele, ndelanganyi ya Yakobe, bua balekele kutombokela Maweja-Nangila, bakumbaje tshidiye musue.

Didimanyisha 16:1

Pashishe meme kumvua diyi dikole difumina mu nzubu wa Mvidi Mukulu, diambila batumibue muanda mutekete ne: “Ndayi, nuitshikije pa buloba makopu muanda mutekete adi ne tshiji tshia Mvidi Mukulu!”

Bienzedi 18:5

Silase ne Timote kumuka ku Masedoniya, kuya ku Korente. Bobu bamane kufika, ke Polu kudifila muende muonsu ku mudimu wa kulongesha muaku. Uvua ujadikila bena Yuda ne: Yezu udi Kristu.

Bienzedi 17:16

Patshivua Polu mu Atene, muindile Silase ne Timote, uvua ne kanyinganyinga pa kumona mu tshimenga tshijima mpingu mivule ya kutendelela nayi nwidie.

Bienzedi 4:20

Kadi tuetu katuena mua kubenga kuamba, tshitudi bamone, kabidi bumvue to.

Luke 17:34

Ndi nnujadikila ne: bufuku abu ku bantu babidi bikale balale muaba umue, nebaye ne umue, bashiye mukuabu.

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Yezekiyele 3:14

Mueyelu wa Mvidi Mukulu uvua mungambule pa buloba, muye nanyi. Bukole bua Maweja-Nangila buonsu buvua bumbuele munda, tshiyi mua kubenga. Ke meme kudiunwua mubungame, mudiumvue bibi.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Yeshaya 40:30

Bansongalume mene, badi bateketa, bapungila. Nansha bilobu kabidi bitu bidishinda panshi.

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yirmeya 15:17

Tshivua muye kusomba ne bantu bakuabu, bua kuseka nabu nansha. Bualu udi munteke tshianza tshiebe pambidi, munsombeshe ku mpenga pa nkayanyi, tshiji tshiudi mutekele bantu abu ntshimbuele munda bikole.

Muadi 1:15

Maweja-Nangila uvua mupepeje bena mvita ba bukitu bonsu bamvua nabu. Uvua mundongoluele tshiluilu bua kunduisha, bua kuzaza nsongalume yanyi. Uvua munzaze, meme Siyone wa Yuda, bu mudibu bakama tumuma tua mvinyo mu tshikaminu.

Muadi 2:21

Bana ne bakulumpe mbafue panshi miandanda, ku mielelu ya njila. Nsongakaji ne nsongalume yanyi idi mifue ku muele wa mvita. Wewe kubashipa dituku diuvua mufike munda, kubabutula bonsu, kuyi ubafuila luse.

Yezekiyele 3:3

Kungambilaye kabidi ne: — Muntu, diaku mukanda undi nkupa ewu ukute difu tente. Meme kuudia. Utua musheme mukana muanyi bu buitshi.

Yezekiyele 24:21

nuenu bena Izrayele, ne: “Meme Maweja-Nangila Mvidi Mukulu nennyange nzubu wanyi wa tshijila. Nudi nudisua nende, numutangila nusanka. Ke muaba unudi nutekemena bua kupetela muoyi. Nebashipe bana benu ba balume ne ba bakaji banuvua bashiye mu Yerushalayime.

Yirmeya 5:9

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua tshisamba tshia mushindu ewu anyi?

Yirmeya 9:20

“Lufu ludi lubuelela pa madidishi etu. Ludi bibuela mu nzubu yetu mimpe, lushipa bana betu batekete mu misesu, ne bansongalume betu miaba idi bantu bunguile.”