Yirmeya 6:10 - MUKANDA WA MYIDI MUKULU

¹⁰ Udi mua kunteleja nnganyi? Bena Yerushalayime badi ne matshi mapate. Kabena basue kuteleja ne ntema to. Maweja-Nangila bionsu biudi ubambila, badi babiangata mu bilele, babibenga kashidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nengambile banganyi mei, nendimushe banganyi bua kunvuabo? Monai, ditshu diabo kadiena dijidila, kabena mua kunvua bimpe; monai, dî dia Yehowa diakulua bu tshihendu kudibo; kabena ne disanka bualu buadi.

Yirmeya 6:10 交叉引用

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Yowanane 7:7

Ba pa buloba kabena mua kunukina. Kadi badi bankina meme, bualu ndi njadika ne: midimu idibu bakuata mmibi.

Yirmeya 7:26

Kadi kanuena banteleje, kanuena bangitabe. Nuvua amu bantombokele. Nuenu kuenza bibi kupita bankambua benu.”

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Yeshaya 53:1

Wa kutudi uvua mua kuitaba bualu, budibu batuambila mpindiewu, nnganyi? Wa kutudi uvua mua kuela meji a ne: Maweja-Nangila nealeje bukole buende nanku, nnganyi?

Ekesode 6:12

Moshe kuandamuna Maweja-Nangila ne: — Bu mudi bena Izrayele kabayi bateleja bindi mubambile, mukalenga wa bena Ejipitu kabidi kakuitaba to, bualu ndi ngakula ne lutatu.

2 Timote 4:3

Bualu tshikondu netshifike, tshiabenga bantu kuteleja badi balongesha malu malelela. Nebakebe amu tshidibu bajinga bobu. Nebadisangishile balongeshi bavule badi babalongesha amu bidibu basue kuteleja.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

Rome 7:22

Mu kondu kanyi ka munda, ndi nsanka bua mikenji ya Mvidi Mukulu.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

Yowanane 9:40

Bamue ba ku Baparushe bavua nende bumvua nanku, kumukonkabu ne: — Tuetu kabidi tudi bampofu anyi?

Luke 20:19

Balongeshi ba mikenji ne bamfumu ba batuangaji bavua bakeba kukuata Yezu diba adi. Bualu bavua bamanye ne: Yezu mmutuelele tuetu lusumuinu elu. Kadi bavua batshina bantu.

Luke 11:45

Mulongeshi mukuabu wa mikenji kumuamba ne: — Mulongeshi, udi utupenda ne tuetu, paudi wamba nanku!

Matayi 3:7

Yowanane umona baparushe ne basaduke bavule bafike kudiye bua abatue mu mayi, kubambilaye ne: — Nuenu, nudi nyoka! Udi munulongeshe munudi mua kupanduka ku dinyoka dia Maweja-Nangila dikadi pabuipi nnganyi?

Amosa 7:10

Amashiya, mutuangaji wa mu Betele, kumanyisha Yerobowame, mukalenga wa Izrayele, ne: “Amosa mmukuelele tshifufu tshibi munkatshi mua bena Izrayele. Bidiye wamba, bidi mua kunyanga ditunga.

Yezekiyele 33:9

Kadi wewe mubele muena malu mabi bua akaje nsombelu wende, yeye kayi muakaje, neafue bua bilema biende. Kadi wewe neushale ne muoyi.

Yezekiyele 33:3

Padi mutentekedi umona tshiluilu tshia baluishi, diakamue udi wela mpungi bua kudimuja bana babu.

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Misambu 119:174

Maweja-Nangila, dijinga dinene ndia wewe kumpandisha, mikenji yebe ke idi insankisha.

Misambu 119:77

Undeje muudi munnange, nemfululuke, bualu ndi nsanka bua kutumikila mikenji yebe.

Misambu 119:70

Lungenyi luabu ndujibale, kadi meme ndi nsanka bua kutumikila mikenji yebe.

Misambu 119:35

Undombole mu njila wa mikenji yebe, nensanke.

Misambu 119:24

Malu audi mungambile adi ansankisha, wowu ke adi ampesha meji makane.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Misambu 1:2

Muena diakalenga mmuntu udi unanga mikenji ya Maweja-Nangila. Udi uyambululula butuku ne munya, welaku meji.

Dielulula 29:4

Maweja-Nangila uvua munulombole mu tshipela bidimu makumi anayi, bilamba bienu, nansha bisabata bienu, kabiyi bisunsuke to.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Yeshaya 42:20

Nuenu nudi bamone malu a bungi, kadi kanuena bavuluke bualu nansha bumue to. Matshi enu adi mimpe, kadi kanuena numvua bualu nansha bumue to.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.

Yirmeya 35:13

— Mpindiewu, ambila bena Yuda ne bantu badi basombe mu Yerushalayime ne: “Maweja-Nangila wa bukole buonsu, Mvidi Mukulu wa Izrayele udi wamba ne: Kanuena mua kuitaba mibelu yanyi, kuteleja tshindi nnuambila anyi?

Yezekiyele 3:7

Kadi bena Izrayele kabena mua kukuteleja to. Bualu kabena basue kunteleja meme. Badi bantu ba tshitunu, badi ne muoyi mupape.