Yirmeya 51:7 - MUKANDA WA MYIDI MUKULU

⁷ Ditunga dia Babilone divua mu tshianza tshia Maweja-Nangila bu dikopu dia tshiamu tshia mpawungi. Bantu ba buloba bujima bavua banuinamu maluvu, bakuatshika. Bisamba bionsu bivua bijimija lungenyi, pavuabi binua maluvu avuamu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Babulona wakadi luhanza lua or mu tshianza tshia Yehowa, luakakuatshisha ba ha buloba bonso maluvu a malu mabi andi, ba mu bisamba bia bantu bakuma nvinyo yandi, nunku ba mu bisamba ebi bakuhala.

Yirmeya 51:7 交叉引用

Didimanyisha 14:8

Mutumibue muibidi uvua ulonda wa kumpala, wamba ne: “Eyi tshimenga ntshibutuke! Tshimenga tshinene tshia Babilone ntshibutuke! Ke tshiotshi tshivua tshinuishe bisamba bionsu maluvu atshi, maluvu makole a buendenda buatshi bubi!

Didimanyisha 17:4

Mukaji uvua muvuale bilamba bimpe bikunze bia mushinga mukole. Uvua mudilengeje ne bintu bivule bia mpawungi, kabidi ne mabue a mushinga mukole, ne a busanga. Uvua ne dikopu dia mpawungi mu tshianza, diwule tente ne bintu bibi bia bundu bidi bileja buendenda buende.

Didimanyisha 18:3

Bualu tshimenga etshi tshivua tshinuishe bisamba bionsu maluvu atshi, maluvu makole a buendenda buatshi bubi. Bakalenga ba pa buloba bavua benza natshi malu a bundu.’ Bangenda mushinga ba pa buloba bavua banema ne bintu bimpe kabiyi kubala, bivuatshi nabi.”

Didimanyisha 17:2

Bakalenga ba matunga bavua benda nende buendenda. Bantu ba pa buloba bavua bakuatshike maluvu a ku buendenda buende bubi.

Danyele 2:32

Mutu wa lupingu alu uvua wa tshiamu tshia mpawungi menemene, tshiadi tshialu ne maboku alu bivua bia tshiamu tshitoke tshia mushinga mukole, difu dialu ne bibelu bivua bia tshiamu tshikunze,

Didimanyisha 19:2

Udi ukosa nsambu amu mudiyi! Bualu mmunyoke muena buendenda munene, uvua munyange buloba ne malu ende a bundu. Uvua mumusombuele, bualu uvua mushipe bantu bende.”

Didimanyisha 18:23

Muendu kawakukenka kabidi muebe nansha musangu umue. Kabakumvua kabidi muebe mbila ya disanka ya badi babuela mu dibaka. Bangenda mushinga ba muebe ke bavua bapite ba buloba bujima. Kadi udi mushime bisamba bionsu ne malu ebe a majimbu.”

Danyele 2:38

Mmukuteke ku mutu kua bukua bantu, kua nyama ya mu mpata, ne kua nyunyi ya mulu. Udi mfumu wabi miaba yonsu idibi. Mukalenga, mutu wa tshiamu tshia mpawungi ke wewe!

Yirmeya 50:38

Umishayi mayi mu ditunga, misulu yonsu yume. Bualu ditunga edi nediuwule ne mpingu tente! Bonsu badi bayinemeka, bakadi bajimija lungenyi.

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yeshaya 14:4

Diba adi nebimbe musambu wa kuseka nawu mukalenga wa bena Babilone, bambe ne: Kia! Ebi mbienzeke munyi? Mfumu wa tshikisu mmufue bishi? Kakukengesha kabidi muntu nansha umue.

Yirmeya 13:13

ubambile ne: Maweja-Nangila udi wamba ne: “Bena ditunga edi bonsu, nansha bakalenga mene badi basombe mu nkuasa wa Davide, nansha batuangaji, bambi, ne bantu bakuabu ba mu Yerushalayime, nembanuishe maluvu bua bakuatshike kashidi.

Yezekiyele 23:42

Musumba munene wa bantu kufika kudibu, bakula, basanka talala bu mu tshibilu. Kuvua nangananga bantu bafume ku nseke yonsu ya mu tshipela. Kuelabu nsongakaji ibidi ayi lukanu ku maboku, kubasabu bifulu bimpe bia lumu ku mitu.