Yirmeya 5:21 - MUKANDA WA MYIDI MUKULU

²¹ Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Unvuai bienu dî edi, nuenu bantu bahote ne badi kabayi ne mitshima idi ijingulula; nudi ne mesu, kadi kanuena numona; nudi ne matshu, kadi kanuena nunvua.

Yirmeya 5:21 交叉引用

Yezekiyele 12:2

— Yezekiyele, udi musombe munkatshi mua bantomboji! Badi ne mesu, kadi kabena basue kumona. Badi ne matshi, kadi kabena basue kumvua, bualu badi bantu ba tshitunu.

Bienzedi 28:26

Uvua muambe ne: “Uye, wambile bena tshisamba etshi ne: Nenuteleje, kanuyi nujingulula; nenutangile, kanuyi numona tshintu.

Rome 11:8

Ke padi Mukanda wa tshijila wamba ne: “Mvidi Mukulu mmututubije lungenyi luabu. mMupangishe mesu abu bua kaamonu, matshi abu bua kaateleji, too ne lelu.”

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Marke 8:18

Nudi ne mesu, kanuena numona anyi? Nudi ne matshi kanuena numvua anyi? Kanuena bavuluke anyi?

Yirmeya 8:7

Nyunyi wa kasonga nyunyi udi mumanye tshikondu tshidiye umuangala. Nyunyi wa nkutshi, kandindi, ne nyunyi wa mudinga, idi anu mimanye diba dia kupingana. Kadi, bantu banyi bena Izrayele, kabena bamanye mikenji yanyi meme Maweja-Nangila.

Yirmeya 5:4

Meme kuamba ne: “Bantu badi benza nanku mbantu bapele nkayabu. Kabena ne lungenyi to. Kabena bamanye tshidi Maweja-Nangila musue. Kabena bamanye mikenji ya Mvidi Mukulu wabu.

Yeshaya 44:18

Bantu aba badi mu mitu mitupu. Kabena bajingulula tshidibu benza to. Badi ne mesu mabuikila. Kabena basue kumona bimpe. Lungenyi luabu kaluena lukeba bulelela.

Misambu 94:8

Nuenu batshimbakane ba pa buloba, nuadimuka! Nuenu babule ngenyi, nenuele meji diba kaayi?

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Dielulula 32:6

Nudi bantu ba tshianana, kanuyi lungenyi! Munudi nuenzela Maweja-Nangila nanku mbishi? Kena Tatuenu, kena mufuki wenu anyi? Kena munusungule, bua nuikale bantu bende anyi?

Dielulula 29:4

Maweja-Nangila uvua munulombole mu tshipela bidimu makumi anayi, bilamba bienu, nansha bisabata bienu, kabiyi bisunsuke to.

Osheya 7:11

Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

Marke 4:12

bua ne: “Bajooja bimpe kabayi bamona tshintu, bateleja bilenga, kabayi bajingulula bualu, kadi bafuane mua kupingana kudi Mvidi Mukulu, Mvidi Mukulu kuvua kubafuila luse!”

Rome 1:20

Bualu katshia Mvidi Mukulu ufuka buloba, bilenga biende bidi kabiyi bimueneka ku mesu, — nkuamba ne: bukole buende bua tshiendelele, ne bu-Mvidi Mukulu buende, — bidi bimueneka mu midimu ivuaye muenze. Ke muaba udi bantu mua kubimanya. Nanku badi bapila ku mesu kuende.

Yeshaya 43:8

Nufike ne bantu aba ku tshilumbu. Bualu badi ne mesu, kabayi bamona tshintu, badi ne matshi, kabayi bumvue bualu.

Yirmeya 5:20

Maweja-Nangila udi wamba ne: Ambila ndelanganyi ya Yakobe manyisha bena Yuda ne:

Yirmeya 6:10

Udi mua kunteleja nnganyi? Bena Yerushalayime badi ne matshi mapate. Kabena basue kuteleja ne ntema to. Maweja-Nangila bionsu biudi ubambila, badi babiangata mu bilele, babibenga kashidi.

Zekâya 7:11

Kadi bantu bavua babenga kuteleja. Bawa bangela nyima, bajibika ne matshi, bua kabumvu.

Dielulula 29:3

Kadi too ne mpindiewu, Maweja-Nangila kena muanji kunupesha lungenyi lua kujingulula bionsu bivua bienzeka ebi to. Bualu mesu enu kaena manji kumona mene, matshi enu kaena manji kumvua.

Yirmeya 7:13

Nanku, Maweja-Nangila udi wamba ne: Nudi benze bibi mushindu umue ne bena mu Shilo. Ndi munubele misangu ne misangu, kanuyi nunteleja to. Meme kunubikila, nuenu kubenga kuitaba.