Yirmeya 5:15 - MUKANDA WA MYIDI MUKULU

¹⁵ Maweja-Nangila udi wamba ne: nuenu bena Izrayele, nennutumine tshisamba tshikuabu, tshidi tshifume kule bua tshinuluishe. Tshisamba atshi kabena mua kutshipita bukole to. Tshisamba atshi ntshia ku bisamba bia kale. Kanuena mua kumvua muakulu watshi. Bidi bantu aba bamba kanuena mua kubimanya to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yehowa udi wamba kabidi ne, Unvuai, nendue ne tshisamba tshidi kule bua kuluangana nʼenu, nuenu ba mu Bena Isalele. Tshidi tshisamba tshikele, tshidi tshisamba tshiakadiku kale, tshidi tshisamba tshidi ne muaku unudi kanuyi bamanye, tshidi tshisamba tshidi ne mei anudi kanuyi njingulula.

Yirmeya 5:15 交叉引用

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.

Yirmeya 4:16

Nuambile bisamba bionsu bualu ebu. Nudimuje bena Yerushalayime ne: baluishi bebe bakadi pabuipi. Badi bafuma kule, bela mbila ya mvita, bua kubisha bimenga bia bena Yuda.

Yeshaya 33:19

Kanuakumona kabidi bantu aba bavua baditambisha, bavua bakula muakulu mukole, udi bantu kabayi mua kujingulula, kabayi mua kumvua.

Yeshaya 28:11

Kadi panudi kanuyi basue kunteleja, Maweja-Nangila mpindiewu neanutumine benyi, bua banumanyishe malu, mu muakulu wabu, unudi kanuyi mua kumvua.

Yeshaya 5:26

Maweja-Nangila udi wasa tshimanyinu, ubikila tshisamba tshidi kule. Udi wela monzu ku ntengu ya buloba, mudi muntu ubikila mbua. Monayi tshisamba etshi tshidi tshifuma kule, tshienda lukasa lukasa, tshiambuluja bua kufika!

Yirmeya 25:9

Nanku nembikile bantu bonsu ba mu matunga a ku mutu kua ditunga, ne nangananga muena mudimu wanyi Nebukadnesare, mukalenga wa bena Babilone, bua baluishe ditunga edi, ne bantu badi basombamu. — Nebaluishe kabidi bisamba bidi nabu mutumba. — Nennubutule bonsu, nuenu ne bena mutumba nenu. Mu ditunga emu nemushale amu tshipela ne lubuwa. Bantu nebakeme bela mbila ya bowa pa kumona muaba ewu. Meme Maweja-Nangila ndi ngamba nanku.

Yirmeya 1:15

Teleja tshindi ngamba: Nembikile bantu bonsu ba mu makalenga a ku mutu kua ditunga. Bamfumu babu nebafike, nebateke nkuasa yabu kumpala kua biibi bia Yerushalayime. Bimana bia Yerushalayime, ne bimenga bionsu bia bena Yuda, nebabinyungulukile bua kubikuata.

1 Korente 14:21

Mu Mukanda wa tshijila, Mvidi Mukulu udi wamba ne: “Nengambile bantu aba malu mu miakulu idi bantu kabayi bumvue, kabidi mukana mua bantu ba bisamba, kadi nansha diba adi, kabakunteleja to.”

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Yirmeya 6:22

Maweja-Nangila udi wamba ne: Bantu nebafumine mu ditunga didi luseke lua ku mutu kua ditunga. Tshisamba tshinene netshituadije luendu ku ndekelu kua buloba.

Yirmeya 5:11

Maweja-Nangila udi wamba ne: Bulelela, bena mu bukalenga bua Yuda, ne bena mu bukalenga bua Izrayele, bonsu mbantombokele!

Yirmeya 2:26

Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Yeshaya 29:6

Maweja-Nangila muena bukole buonsu neakuambuluishe, ne makubakuba a mvula, ne bikumina, ne mvunde wa tshipupu, ne ndimi ya kapia idi ibutula bintu bionsu.

Yeshaya 29:3

Nenunyungulule ne mitanda yanyi, nenkuele munkatshi. Nenkutshintshimike ne biamu bia mvita, kabidi ne mushiki wa buloba.

Yeshaya 5:7

Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Danyele 7:7

Pashishe meme kujoja bimpe malu avua Mvidi Mukulu undeja butuku: nyama muinayi umvua mumone, uvua ukuatshisha bowa, uvua ne lonji, kabidi ne bukole bua pa buabu. Uvua ne menu manene a tshiamu, bua kudia ne kusunsula bintu bivuaye ukuata. Uvua udiatakaja bintu bi-vuaye kayi udia. Uvua mushilangane menemene ne nyama isatu ya kumpala eyi. Uvua kabidi ne nsengu dikumi.

Genese 11:7

Nanku tuyayi kubondakaja muakulu wabu, bua bapange mua kumyuangana munkatshi muabu.”

Dielulula 28:33

Tshisamba tshia bantu banudi kanuyi bamanye, netshinukengeshe, tshinunyenge biakudia bionsu binudi banowe.

Misambu 81:5

Bualu etshi ke mudimu wa bena Izrayele, dipangadika dia Mvidi Mukulu wa Yakobe,

Yeshaya 39:3

Pashishe, muambi Yeshaya kuya kudi mukalenga Izkiya, kumukonka ne: — Bantu aba bavua bakuambile tshinyi? Kabidi mbafume penyi? Izkiya kuandamuna ne: — Mbafume kule, ku bena Babilone, bafike bua kummona.

Danyele 1:4

Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Amosa 6:14

Kadi meme, Maweja-Nangila, Mvidi Mukulu wa bukole buonsu, nennutumine, nuenu bena bukalenga bua Izrayele, tshisamba tshikuabu, bua tshinuluishe biangatshile ku Lebo-Amate ku mutu mu ditunga, too ne ku musulu wa Araba, kuinshi.

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.