Yirmeya 5:11 - MUKANDA WA MYIDI MUKULU

¹¹ Maweja-Nangila udi wamba ne: Bulelela, bena mu bukalenga bua Yuda, ne bena mu bukalenga bua Izrayele, bonsu mbantombokele!

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa udi wamba ne, Bena Isalele ne Bena Yuda bakutamba kuntangila tshitungu.

Yirmeya 5:11 交叉引用

Yirmeya 3:20

Kadi nuenu bena Izrayele, nuvua bantombokele mudi mukaji utombokela bayende. Meme Maweja-Nangila ndi njadika nanku.

Yeshaya 48:8

Bushuwa kanuvua bateleje, kanuvua basue kumanya, kanuvua bateye matshi bua kumvua. Ndi munumanye ne: nudi bena lunsonge, biangatshile ku buana buenu. Bonsu badi bamanye munudi “bantomboji”.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Osheya 5:7

mBabenge Maweja-Nangila, mbalele bana ba mu tshiendenda. Mpindiewu, kakuakukumbana nansha ngondu umue to: nembabutule, ne bionsu bidibu nabi.

Yeshaya 24:16

Tudi tunwua musambu ewu, udibu bimba ne ku ndekelu kua buloba, bamba ne: “Mvidi Mukulu udi ukosa nsambu pa yoyi, atumbe!” Kadi meme kuamba ne: “Tshingenza ntshinyi? Mioyi mminshikile munda. Dikenga ndimane kunkuata.” Benzedianganyi ba bibi badi amu benzelangana bibi, badi baditua amu mu dielangana bifufu.

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?