Yirmeya 48:44 - MUKANDA WA MYIDI MUKULU

⁴⁴ Muntu udi unyema mvita, bua bowa, neadishinde mu dijimba. Udi upatuka mu dijimba, nebamukuate mu bukondu. Ke dikenga dindi mulongoluele ditunga dia Mowabe, pangafika bua kudinyoka.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Yehowa udi wamba ne, Udi unyema buowa neahone mu dijimba, wahanduka mu dijimba neakuatshike mu buteyi; bualu bua nentumine ba mu Moaba malu â mu tshidimu tshia kubala malu mabi abo.

Yirmeya 48:44 交叉引用

Yirmeya 11:23

Mu musoku wa Anatote kamuakushala muntu ne muoyi tshikondu tshinganunyoka, tshinganukengesha.”

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

Amosa 5:19

Nebikale bu muntu udi unyema nyama wa ntambue, usangila ne nyama mukuabu wa lonji lukole. Udi ubuela mu nzubu, weyamina ku tshimana ne tshianza, ke nyoka kumusuma!

Yirmeya 46:21

Nansha bena mvita bavua bena Ejipitu basumbe, badisha bimpe bu tuana tua ngombe, bonsu kuela nyima, kunyema lubilu. Muntu nansha umue kena utua nkanana, pandi mfika bua kubabutula, pandi musue kubanyoka.

Mika 7:4

Bu mu mionji ya mpesa tshisumbu, kamuena bualu buimpe nansha bumue munkatshi muabu. Nansha muntu wa kudibu udi ubenga malu mabi, udi mubi mupite lupangu lua mingonga. Kadi dituku dia kununyoka, divua bambi benu banubela nadi, dikadi disemena pabuipi. Bowa mbumane kunukuata.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Yirmeya 51:18

Bintu abi bidi bisekesha bantu. Maweja-Nangila neabimanshe bionsu. Pafikaye bua kukosa nsambu.

Yirmeya 23:12

Nanku njila wabu neafinunuke. Nebadishinde mu miidima. Nebalale panshi, bualu nembatumine dikenga, nembanyoke, Meme Maweja-Nangila ndi ngamba nanku.”

Yirmeya 16:16

Maweja-Nangila udi wamba ne: ndi ntuma bilembi bia bungi bua bikuate bena Yuda, mudibu bakuata minyinyi ya mu mayi. Pashishe ndi ntuma bilembi bia bungi bua bibakebe miaba yonsu, mudibu bipata nyama mu mikuna minene ne mikese, too ne mu mbuebue.

Yirmeya 10:15

Mpingu ayi idi bu lupepele. Bantu mbenze mudimu wa tshidimudimu patupu. Yonsu neyijimine, padi Maweja-Nangila ulumbuluisha bantu.

Yeshaya 24:18

Muntu yonsu wanyema, bua mbila idi mukuatshisha bowa, neapone mu dijimba. Kadi pikalaye mupatuke mu dijimba, buteyi nebumukuate. Mvula wa bungi nealoke mulu. Buloba nebuzakale ne kuinshi kuabu.

Yeshaya 10:3

Kadi dituku didi Maweja-Nangila ukosa nsambu, tshipepele tshikole tshifuma kule netshinupete. Diba adi, nenuenze tshinyi? Nenuye kudi nganyi? Nenupete diambuluisha muaba kaayi? Nenuye kuteka mpetu yenu penyi?

1 Bakalenga 20:30

Bantu bavua bashale binunu makumi abidi ne muanda mutekete, kunyema, kuya mu tshimenga tshia Afeke. Kadi, bimana bia tshimenga atshi kubupukila. Benadade kabidi uvua mua kunyema mu tshimenga atshi, musokome mu tshibambalu tshikuabu tshia munda mua nzubu menemene.

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yirmeya 50:24

Wewe ditunga dia Babilone, mvua mukulongoluele buteyi! Buteyi kukukuata, kuyi nansha mua kudimuka! Bavua bakasangana mukuata mu buteyi! Bualu uvua unduisha meme Maweja-Nangila,”

Yirmeya 50:27

Nushipe bilobu biende bionsu! Nuye nabi ku tshishipelu, mudibu benza ne ngombe milume. Bena Babilone nudi bena diakabi. Dituku didi Maweja-Nangila ne bua kununyoka, ndimane kufika!

Muadi 3:47

Tshidi tshituindila tuetu: ke bowa ne dijimba, tshinyangu ne dibutuka.

Yeshaya 24:17

Nuenu bantu badi basomba pa buloba, bowa bukole, dijimba, ne buteyi, bidi binuindila.

Yirmeya 49:8

Bena Dedane, kudimukayi, nunyeme! Nusombe ku mbuebue, bualu ndi imubutula anu mpindiewu, nuenu ndelanganyi ya Esawu. Ke tshikondu tshindi ne bua kununyoka!