Yirmeya 48:10 - MUKANDA WA MYIDI MUKULU

¹⁰ Maweja-Nangila atshipe bantu, badi benza mudimu wende ne lulengu, babenga bua muele wende kaushipi bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mulau wikale kudi wajingakana mu mudimu wa Yehowa, mulau wikale kudi wakanda muele wandi wa nvita ne, Kaumatshishi mashi hanshi!

Yirmeya 48:10 交叉引用

1 Bakalenga 20:42

Muambi kuambila mukalenga Akabe ne: — Maweja-Nangila udi wamba ne: “Bu muudi munyemeshe muntu umvua mumane kufundila lufu, wewe neufue pa muaba wende. Kabidi bantu bebe bena Izrayele nebafue pa muaba wa bantu bende.”

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

Balombodi 5:23

Nutshipe tshimenga tshia Meroze, ke mudi mutumibue wa Maweja-Nangila wamba. Nutshipe tshimenga atshi, nutshipe ne benatshi, bualu kabena bambuluisha Maweja-Nangila to, kabena baluangana mvita pamue ne bilobu biende to.

2 Bakalenga 13:19

Muambi kufika munda, wambila mukalenga ne: — Bu wewe mutuute miketa ayi panshi misangu itanu nansha isambombu, uvua mua kutshimuna bena Siriya kashidi. Kadi mpindiewu, neubatshimune anu misangu isatu.

1 Samuele 15:9

Shawule ne bena mvita bende bavua bashiye Agage ne muoyi, bashiya kabidi nyama mimpe yonsu ivuabu basungule ku bimuna: ngombe, mikoku, nyama ivua ne mafuta, ne bana ba mikoku. Bavua bashipa amu nyama mibi ivua kayiyi ne diambuluisha to.

Yirmeya 50:25

Maweja-Nangila udi unzulula diyeba diende. Udi upatulamu bia mvita bua kuleja nabi tshiji tshiende. Mu ditunga dia bena Babilone, bantu nebamone mudimu udi Maweja-Nangila wa bukole buonsu ukuata.

Yirmeya 47:6

Nudi nuamba ne: “Eyi, muele wa mvita wa Maweja-Nangila, kuena wikisha anyi? Pingana mu tshibubu tshiebe. Usombe talalaa, wikishe.”

1 Bakalenga 20:39

Pavua mukalenga Akabe upita, muambi kumuambila ne: — Mukalenga, mvua munkatshi mua mvita. Muntu mukuabu kumuka ku milongu ya bena mvita, kumpesha muena lukanu, ungambila ne: “Undamine muntu ewu! Yeye munyeme, wewe neuye mu bupika pa muaba wende, anyi neumpeshe nkanu mitoke ya mushinga mukole binunu bisatu.”

1 Bakalenga 20:40

Kadi, pamvua ngenza mudimu, ntua eku ne eku, muena lukanu kunyema! Akabe, mukalenga wa bena Izrayele, kuandamuna ne: — Wewe nkayebe udi mumane kudipisha.

Yirmeya 11:3

ubumvuije ne: Maweja-Nangila Mvidi Mukulu wa Izrayele, udi wamba ne: Muntu yonsu udi kayi unemeka ndondu undi mutue ne bantu banyi, muntu awu mmuena tshibawu.

Yirmeya 47:7

— Kadi muele ewu newikishe munyi? Maweja-Nangila mumutumine diyi, muwambile bua kukengesha bena Askalone ne bantu badi basomba ku muelelu wa mayi manene.

Yirmeya 50:27

Nushipe bilobu biende bionsu! Nuye nabi ku tshishipelu, mudibu benza ne ngombe milume. Bena Babilone nudi bena diakabi. Dituku didi Maweja-Nangila ne bua kununyoka, ndimane kufika!

Yoshua 10:19

Kadi kanunengakanyi muaba awu to. Londakajayi baluishi benu. Bajikilayi njila, bua kabafiki mu bimenga biabu to. Bualu Maweja-Nangila Mvidi Mukulu wenu mmumane kubafila mu bianza bienu.