Yirmeya 47:7 - MUKANDA WA MYIDI MUKULU

⁷ — Kadi muele ewu newikishe munyi? Maweja-Nangila mumutumine diyi, muwambile bua kukengesha bena Askalone ne bantu badi basomba ku muelelu wa mayi manene.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi udi mua kuikala talalâ munyi, bualu bua Yehowa wakuwelela mukenji? Wakusunguila mudimu wa kukengesha ba mu Ashekelona ne ba ku muelelu wa mai manene.

Yirmeya 47:7 交叉引用

Mika 6:9

Telejayi bidi Maweja-Nangila wambila badi basomba mu tshimenga: Badi bangata mibelu yende ne mushinga, neabasungidile. “Nuenu bena tshisamba tshia Yuda, nuenu bonsu badi badisangisha mu tshimenga, telejayi!

Yezekiyele 14:17

Misangu mikuabu, ndi mua kutumina bantu aba mvita. Ndi mua kutuma bena mvita bua kunyanga ditunga, kushipa bantu ne nyama.

Yeshaya 10:6

Meme kubatuma bua kuluisha tshisamba tshidi tshimbenga. Meme kubambila bua kubunda tshisamba tshidi tshimfikisha munda. Meme kuanyisha bua biibe, bapawule bantu aba, babadiatakaje bu bitotshi bia mu njila.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Yezekiyele 25:16

Nanku, meme Maweja-Nangila Mvidi Mukulu ndi mbamanyisha ne: Nembanyoke. Nembutule bantu bonsu aba badi bafume ku Kaftore, baye kusomba ku muelelu wa mayi manene.

Yeshaya 37:26

“Kadi wewe Senakeribe, kuena mumanye bualu ebu anyi? Meme ke udi mulongolole malu aa kumpala kua bidimu! Ku kale kuaka, nkavua mujadike bua kuenza malu andi nkumbaja mpindiewu. Meme ke uvua mukupeshe bukole bua kubutula bimenga bivuabu bakoleshe ne bimana.

Yeshaya 13:3

Meme ndi ntumina, bantu badi banyi meme, meyi anyi. Ndi mubikidishe bilobu bianyi, bamiadiamvita badi bela mbila ya disanka, bua bakumbaje tshidi tshiji tshianyi tshijadika.”

1 Samuele 15:3

Nanku mpindiewu, wewe Shawule, uye kubaluisha, ubabutule ne bintu bionsu bidibu nabi. Kubafuidi luse to. Ushipe bantu ne nyama bionsu: balume, bakaji, bana batoke, ngombe, mikoku, nyama ya tumelu ne ya mpunde.”

Yirmeya 48:10

Maweja-Nangila atshipe bantu, badi benza mudimu wende ne lulengu, babenga bua muele wende kaushipi bantu.

Yezekiyele 21:30

“Wewe mukalenga wa bena Izrayele, udi muntu mubi, udi kayi ukumbaja bivuaye mulaye. Kadi tshikondu tshikadi tshifika, tshidi buenzavi buebe ne bua kujika.

Yezekiyele 21:9

Ndi musue kunubutula bonsu. Ke pandi mupatule muele bua kushipa yonsu wa kunudi biangatshile kuinshi mu ditunga too ne ku mutu.

Yezekiyele 21:14

— Muntu, akula mu dina dianyi. Wambile bantu malu andi meme Maweja-Nangila mbamanyisha ne: “Tangilayi muele, muele mutue udi wengelela.