Yirmeya 45:1 - MUKANDA WA MYIDI MUKULU

¹ Pavua Baruke, muana wa Neriya, mufunde malu a Mvidi Mukulu avua Yirmeya mumuambile, Yoyakime, muana wa Yoshiya, ukavua mukalenga wa bena Yuda bidimu binayi. Ke Yirmeya kuambila Baruke ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Edi ndî dia Yelemiya muprofete diakambileye Baluka, muana wa Neliya, hakafundeye mei â akaluhuka mukana mua Yelemiya mu tshidimu tshinai tshia bukokeshi bua Yehoyakima, muana wa Yoshiya, mukelenge wa Yuda.

Yirmeya 45:1 交叉引用

Yirmeya 36:1

Mu tshidimu tshinayi tshia bukalenga bua Yoyakime, muana wa Yoshiya, mukalenga wa bena Yuda, Maweja-Nangila kuambila Yirmeya ne:

Yirmeya 36:4

Nanku, Yirmeya kubikila Baruke, muana wa Neriya. Kumumanyishaye malu onsu avua Maweja-Nangila mumuambile. Baruke kuafunda pa muvungu wa tshiseba.

Yirmeya 32:12

Meme kupesha Baruke, muana wa Neriya, ne muikulu wa Masheya, mikanda yonsu ibidi. Anameyele, muana wa tatu mukuabu, ne bantu bakuabu bavua batua tshiala ku mikanda ya disumba, bavua muaba awu, kabidi ne bena Yuda bakuabu bonsu bavua mu lupangu lua bena mvita balami ba mukalenga.

Yirmeya 36:32

Nanku, Yirmeya kuangata muvungu mukuabu wa tshiseba, kuupesha Baruke mufundi. Awu kufunda bionsu bivua Yirmeya umuambila, ke malu onsu avuabu bafunde mu mukanda uvuabu boshe kudi mukalenga Yoyakime, ne malu makuabu a bungi a mushindu wa momumue.

Yirmeya 32:16

Meme mumane kufila mukanda wa disumba budimi kudi Baruke, ke meme kutendelela Maweja-Nangila ngamba ne:

Yirmeya 25:1

Umvuayi malu avua Maweja-Nangila muleje Yirmeya, adi atangila tshisamba tshijima tshia bena Yuda. Tukavua mu tshidimu tshinayi tshivua Yoyakime, muana wa Yoshiya, mu bukalenga bua bena Yuda, ne mu tshidimu tshia kumpala tshia bukalenga bua Nebukadnesare, mukalenga wa bena Babilone.

2 Kulondolola 36:5

Yowakime kubuela mu bukalenga muikale ne bidimu makumi abidi ne bitanu. Kushalaye mu bukalenga bidimu dikumi ne tshimue mu Yerushalayime. Yowakime uvua wenza malu adi Maweja-Nangila Mvidi Mukulu wende mubenge.

Yirmeya 36:26

Mukalenga kutuma diyi kudi Yerameyele mulombodi wa bena mvita, kudi Seraya, muana wa Azriyele, ne kudi Shelemiya, muana wa Abdeyele, bua bele muambi Yirmeya ne Baruke mufundi mu nzubu wa lukanu. Kadi Maweja-Nangila kusokoka Baruke ne Yirmeya.

Yirmeya 26:1

Yoyakime, muana wa Yoshiya, mumane kubuela mu bukalenga bua bena Yuda amu matuku makese, Maweja-Nangila kuambila Yirmeya ne:

2 Bakalenga 24:1

Pavua Yowakime mu bukalenga, Nebukadnesare, mukalenga wa bena Babilone, kubuela ne mvita mu ditunga dia bena Yuda. Yowakime uvua ne bua kuitaba bumfumu buende. Kadi bidimu bisatu bimane kupita, Yowakime kutombokela mukalenga Nebukadnesare.

Yirmeya 45:2

— Maweja-Nangila Mvidi Mukulu wa Izrayele udi ukuambila wewe Baruke ne:

Yirmeya 46:2

Umvuayi malu avua Mvidi Mukulu mumanyishe bua Ejipitu, ne tshiluilu tshia Neko, mukalenga wa bena Ejipitu. Neko uvua mu Karkemishe, ku muelelu wa musulu wa Perate, pavua Nebukadnesare, mukalenga wa Babilone mumutshimune. Bivua bienzeka tshidimu tshinayi tshivua Yoyakime, muana wa Yoshiya, mu bukalenga bua Yuda.

Yirmeya 51:59

Seraya, muana wa Neriya, ne muikulu wa Masheya, uvua mulombodi wa bena mvita, muambuluishi wa Sedekiya, mukalenga wa bena Yuda. Tshidimu tshinayi tshivua Sedekiya mu bukalenga, Seraya uvua muye pamue ne mukalenga ku Babilone. Yirmeya uvua mufunde mu mukanda, makenga onsu avua ne bua kukuata bena Babilone, ne mikenji yonsu ivua ibatangila, ituvua bafunde kumpala eku. Yirmeya kuambila Seraya ne:

Danyele 1:1

Yoyakime, mukalenga wa bena Yuda mumane kushala bidimu bisatu mu bukalenga, Nebukadnesare, mukalenga wa Babilone, kukuataye tshimenga tshia Yerushalayime.

Yirmeya 36:2

— wangata muvungu wa tshiseba, ufundemu malu onsu amvua mukuambile adi atangila bukalenga bua Izrayele, bukalenga bua Yuda, ne bisamba bikuabu biangatshile tshikondu tshia Yoshiya, pamvua mutuadije kukuambila malu too ne lelu.