Yirmeya 44:3 - MUKANDA WA MYIDI MUKULU

³ Bualu bantu badi basombamu bavua bangenzele bibi, bamfikishe munda. Bavua baye kulambula ne kutendelela mvidie ya bantu ba bisamba bikuabu. Kadi mvidie ayi, nansha nuenu, nansha bankambua benu, kanuvua bayimanye to.

Mukanda wa Nzambi Dihungila Dikulukulu ne Dihungila Dihia-dihia 2003

³ bualu bua malu mabi abo akenzabo bua kunkuatshishabo tshiji, hakayabo kuosha musenga wa manananshi ne kutendelelabo nzambi mikuabo yakadibo kabayi bamanye, nansha bobo nansha nuenu nansha batatu benu.

Yirmeya 44:3 交叉引用

Dielulula 29:26

Ke padi Maweja-Nangila mufike munda bikole, mubanyoke ne manyoka mashilangane, adibu bafunde mu mukanda ewu.

Dielulula 32:17

Kulambulabu bifukibua, kabiyi nansha mvidie, milambu. Mvidie mipiamipia ayi, kabavua bayimanye. Bankambua kabavua bayinemeka.

Dielulula 13:6

Muambi yonsu, nansha muntu udi Mvidi Mukulu uleja malu, padiye unumusha kudi Maweja-Nangila Mvidi Mukulu wenu, uvua munupatule ku bupika mu Ejipitu, numushipe. Bualu uvua musue kunumusha mu njila uvua Maweja-Nangila Mvidi Mukulu wenu munuambile bua kulonda. Nanku numushe bubi buonsu munkatshi muenu.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Yirmeya 44:8

Nudi nukeba kumfikisha munda ne malu enu mabi, ne milambu inudi nulambula mvidie ya bantu ba bisamba bikuabu mu ditunga dia Ejipitu, munuvua baye kusokoma. Nudi basue bua banubutule, banuteke tshilejilu tshibi tshia kutshipa natshi bantu, tshia kufuisha natshi bantu bundu ku mesu a bisamba bionsu bia pa buloba anyi?

Nehemya 9:33

Mu malu onsu adi matukuate, wewe udi wenza amu biakane. Nansha tuetu bakubenge, wewe uvua anu utukeba, utunanga.

Yezekiyele 9:9

Maweja-Nangila kungambila ne: — Malu mabi adi bantu benza mu bukalenga bua Izrayele nansha bua Yuda mmapite bunene. Bantu aba badi bashipangana mu ditunga dijima. Badi bakengeshangana mu tshimenga tshionsu. Badi bambilangana ne: “Maweja-Nangila ukadi mumuangale mu ditunga, kena mutumone to.”

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Muadi 1:8

Yerushalayime uvua muenze malu mapite bubi. Ke pavuabu bamubipisha. Bonsu bavua bamunemeka, badi bamupetula mpindiewu. Bonsu mbamumone butaka. Ke mudiye umuka, mu maboku teketee, wenda utua mikemu.

Yirmeya 22:9

Nebabandamune ne: “Bualu bantu bavua basombemu bavua bakukuila mvidie mikuabu, bayitendelela. Kabavua bakumbaja dilaya divuabu balaye Maweja-Nangila Mvidi Mukulu wabu.”

Yirmeya 11:17

Maweja-Nangila wa bukole buonsu uvua mukune Izrayele ne Yuda. Kadi udi ubambila lelu ne: nennubutule. Dikenga edi nedinukuate bua bubi bunuvua benze. Bualu nuvua bampende, balambule mvidie Baale milambu.

Yirmeya 7:19

Ndi nkukonka ne: udibu bapenda mmeme anyi? Nansha kakese! Badi badipenda bobu, badifuisha ne bundu.

Yirmeya 5:29

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua ditunga dia nanku anyi?

Yirmeya 5:19

Kadi, pakonkabu ne: “Maweja-Nangila wetu mmutukengeshe nenku bua tshinyi,” wewe Yirmeya, wandamune ne: “Bualu nudi babenge Maweja-Nangila, bua kutendelela mvidie ya bantu ba bisamba bikuabu munda mua ditunga dienu. Nenku, nenuye momumue mu ditunga dia bende bua kukuatshila bantu ba bisamba bikuabu mudimu!”

Ebrewu 3:16

Bavua bumvue diyi dia Mvidi Mukulu, bamutombokele mbanganyi? Ke bantu bonsu bavua Moshe mupatule mu Ejipitu.

Yeshaya 3:8

Yerushalayime mmubutuke, Yuda mmudishinde panshi. Bualu bidi bena Yuda bamba, ne bidibu benza, bidi amu bileja mudibu babenga Maweja-Nangila, bamutuila nkanana.

Yirmeya 32:30

Maweja-Nangila kuamba kabidi ne: biangatshile ku ntuadijilu, bena Izrayele ne bena Yuda bavua benze malu andi mubenge. Eyowa, bionsu bivua bena Izrayele benza bivua anu bitufikisha munda.

Yirmeya 44:23

‘Lelu dikenga didi dinukuata edi, ndifike bualu nudi nulambula mvidie ya bantu ba bisamba bikuabu milambu. Nudi bena tshibawu. Kanuena bateleje tshivua Maweja-Nangila munuambile. Kanuena balonde tshivuaye munulongeshe. Kanuvua bangate mikenji ne mibelu yende ne mushinga.

Dielulula 29:25

Bena ditunga bavua batendelela mvidie ya bisamba bikuabu bivuabu kabayi bamanye, ivua Maweja-Nangila mubakandike, bua kabayenzedi mudimu.

Yirmeya 16:10

Pawambila bantu aba bualu ebu, nebakukonke ne: “Maweja-Nangila udi musue kututumina dikenga bunene nanku bua tshinyi? Tudi benze bualu bubi kaayi? Tudi benzele Maweja-Nangila Mvidi Mukulu bibi mushindu kaayi?”

Yirmeya 29:19

Bushuwa Maweja-Nangila udi wamba ne: kabavua bateleja bimvua mubambile. Meme kubatumina misangu yonsu bantu banyi bambi, bobu nansha kubateleja to.