Yirmeya 42:5 - MUKANDA WA MYIDI MUKULU

⁵ Kuandamunabu Yirmeya ne: — Kayanda ketu, netuenze menemene tshionsu tshikale Maweja-Nangila Mvidi Mukulu webe mukumanyishe bua wewe kutuambila. Maweja-Nangila ikale mujadiki wa mutshipu wetu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku bakambila Yelemiya ne, Yehowa ikale mumanyi wa bushuwa ne utudi mua kueyemena, bua atuhishe bituikala katuyi benze dî dionso didi Yehowa Nzambi webe ututumina mukana muebe.

Yirmeya 42:5 交叉引用

Genese 31:50

Wewe mutatshishe bana banyi ba bakaji, musele bakaji bakuabu, wamanya ne: udi mujadike mutudi benzelangane nebe, ki muntu to, anu Mvidi Mukulu nkayende.

Balombodi 11:10

Bakulu ba mu Ngilaade kuambila Yefete ne: — Maweja-Nangila ikale mujadiki wa dilaya ditudi tulaya dia kukumbaja tshiudi musue.

Didimanyisha 3:14

— Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne:

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Malaki 2:14

Nudi nukonka ne: katshiena ubianyisha bua tshinyi? Bualu nuvua balaye ku mesu kua Maweja-Nangila ne: nendamate mukaji undi musele ku buana buanyi. Yeye ke muena kuanyi undi musungule. Kadi nuenu kumubenga.

Mika 1:2

Nuenu bisamba bionsu, telejayi. Buloba ne bionsu bidipu, teyayi matshi. Maweja-Nangila Mvidi Mukulu udi ulua kunufunda, utumina mu nzubu wende wa tshijila.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Yirmeya 5:2

Padi bena mu Yerushalayime baditshipa bamba ne: “Tudi tuditshipa mu dina dia Maweja-Nangila udi ne muoyi…”, mitshipu eyi nya dishima.

1 Samuele 20:42

Ke Yonatane kuambila Davide ne: — Uye bimpe. Kadi uvuluke ndondu wa bulunda utudi batue nebe mu dina dia Maweja-Nangila, tuamba ne: “Anu Maweja-Nangila nkayende atuambuluishe bua tukumbaje ndondu ewu nebe kashidi, too ne ku ndelanganyi yetu.”

1 Samuele 12:5

Samuwele kuamba ne: — Nanku Maweja-Nangila ne mukalenga Shawule bajadike bualu ebu lelu. Nuenu bena Izrayele kanuena batela bualu bubi nansha bumue bundi meme Samuwele munuenzela. Bena Izrayele kuandamuna ne: — Muwambi amu, mmomu.

Ekesode 20:19

Bavua bambila Moshe ne: — Wewe nkayebe utuambile malu onsu, netuteleje. Kadi Mvidi Mukulu kakudi netu nansha. Patupu netufue.

Ekesode 20:7

“Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Yirmeya 43:2

Ke Azarya, muana wa Oshaya, Yowanane, muana wa Kareya, ne bakuabu bonsu, kuandamuna Yirmeya ne dikamakama ne: — Udi ushima. Maweja-Nangila Mvidi Mukulu wetu kena mukuambile bua kutubela bua katuyi kusokoma mu Ejipitu to.

Yirmeya 43:4

Nanku, Yowanane, muana wa Kareya, balombodi bakuabu ba bena mvita ne bonsu bavuabu nabu, kubengabu kuteleja tshivua Maweja-Nangila mubambile, bua basombe mu ditunga dia Yuda.

Yirmeya 42:20

Panuvua bangambile bua kukonka Maweja-Nangila Mvidi Mukulu wenu, panuvua bandombe bua kumutendelela bualu buenu, nuvua nuamba ne: “Utumanyishe bimpe tshionsu tshidi Maweja-Nangila wetu mua kuamba, nentshienze.” Kadi tshikondu atshi nuvua balaye bualu ebu amu ku mishiku patupu.