Yirmeya 42:16 - MUKANDA WA MYIDI MUKULU

¹⁶ nenku mvita inudi nutshina bikole neyinulonde mu Ejipitu amu. Nzala inudi nuzakela, neyilonde too ne muaba awu. Nenufuileku.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ muele wa nvita unudi nutshina neunuhete mu buloba bua Ejipitu, ne tshiole tshinudi nutshina netshinulonde ku nyima kuenu kuakua mu Ejipitu; nenufuileku.

Yirmeya 42:16 交叉引用

Yezekiyele 11:8

Nudi nutshina mvita! Nanku meme Maweja-Nangila Mvidi Mukulu ndi nnujadikila ne: nennutumine mvita!

Yirmeya 44:27

Nennutumine dikenga. Tshiena nnutumina kabidi disanka to. Bena Yuda badi basombe kabidi mu Ejipitu nebafue bonsu, too ne wa ndekelu, ku mvita nansha ku tshiyole tshia nzala.

Yowanane 11:48

Tuetu bamulekele wenza nunku, bantu bonsu nebamuitabe. Pashishe bamfumu ba bena Rome nebafike bua kunyanga nzubu wetu wa Mvidi Mukulu ne tshisamba tshietu!

Zekâya 1:6

Kadi meyi anyi ne mikenji yanyi bimvua mumanyishe bambi, bena mudimu banyi, bivua bituishe bankambua benu kunyima kua matuku. Bobu kukudimuna nsombelu wabu, kuitaba ne: Maweja-Nangila mmutunyoke, muvuaye muambe. Mmutunyoke kabidi pa bualu, bua malu etu mabi.

Yirmeya 42:13

Yirmeya kuamba kabidi ne: — Bumue nuenu nudi mua kubenga kuitaba meyi a Maweja-Nangila Mvidi Mukulu wenu. Nudi mua kuamba ne: Katuena mua kuya kusomba mu ditunga dietu edi to.

Nsumuinu 13:21

Dikenga didi dilonda muenji wa bibi! Kadi diakalenga ke difutu dia bantu bakane.

Dielulula 28:45

Makenga onsu neanukuate, nukenga bikole too ne panuabutuka bonsu, bualu nuvua babenge kuitaba ne kukumbaja meyi ne mikenji bia Maweja-Nangila Mvidi Mukulu wenu.

Dielulula 28:22

Nenunyane, nupeta mubidi luya ne biuja. Biakudia bienu nebiume ne munanga; nansha nebibole. Neanukengeshe nenku too ne panuabutuka bonsu.

Dielulula 28:15

Kadi panuikala kanuyi nuitaba, kanuyi nutumikila meyi ne mikenji bia Maweja-Nangila Mvidi Mukulu wenu, bindi nnumanyisha lelu ebi, neanunyoke mushindu ewu:

Yirmeya 27:8

Pikala bena tshisamba kampanda, anyi bena bukalenga, babenga kuitaba ku diyi dia mukalenga Nebukadnesare, nansha babenga kuambula mutshi wa bupika udiye ubateka pa makaya, nembanyoke ne mvita, ne tshiyole tshia nzala, kabidi ne disama dia tshiambu. Nengambuluishe Nebukadnesare bua amone mua kubutula bantu aba.

Yirmeya 41:18

Bualu bavua batshina bena Babilone, muvua Ishemayele mushipe Ngedaliya, muntu uvua mukalenga wa bena Babilone muteke bua kulombola ditunga.