Yirmeya 42:11 - MUKANDA WA MYIDI MUKULU

¹¹ Kanutshinyi mpindiewu mukalenga wa bena Babilone. Meme Maweja-Nangila ndi nnuambila ne: kanutshinyi, bualu ndi nenu, bua kunusungidila, bua kumukandika, bua kankengeshi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yehowa udi wamba ne, Kanutshinyi mukelenge wa Babulona unudi nutshina katataka, kanumutshinyi; bualu bua meme ndi nʼenu bua kunusungila ne bua kunuhandisha mu bianza biandi.

Yirmeya 42:11 交叉引用

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Yirmeya 1:19

Nebakuluishe, kadi kabena bakutshimuna to. Bualu meme ndi nebe bua kukusungidila. Meme Maweja-Nangila ndi njadika nanku.

Yirmeya 1:8

Kutshinyi bantu aba to, bualu ndi nebe bua kukusungidila. Ke bivua Maweja-Nangila mungambile.

Yeshaya 43:5

Kutshinyi to. Meme ndi nebe. Nempingaje bana bebe mu ditunga, badi luseke ludi diba dipatukila. Nensangishe bebe bonsu, bafume kudi diba dibuelela.

Yeshaya 43:2

Pawapitshila mu mayi, nengikale nebe. Pawasabuka misulu, kuena udiinamu to. Pawikala mupitshile mu kapia, kuena upiamu. Ndimi ya kapia kayena ikosha.

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

Yirmeya 41:18

Bualu bavua batshina bena Babilone, muvua Ishemayele mushipe Ngedaliya, muntu uvua mukalenga wa bena Babilone muteke bua kulombola ditunga.

Yirmeya 27:17

Kanubateleji to. Enzelayi amu mukalenga wa mu Babilone mudimu. Nanku kanuakufua to. Tshimenga etshi ki mbimpe batshibutule nansha.

Yirmeya 15:20

Wewe muenze bindi ngamba, kabakukuenzela bibi to. Nebakuluishe, kadi kabakukutshimuna to. Bualu nenkuenze bu tshimana tshienza ne tshiamu tshitoke, tshidibu kabayi mua kunyungisha. Bualu ndi nebe, bua kukusungidila, kukupandisha. Ke mundi ngamba meme Maweja-Nangila.

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Misambu 46:11

Udi wamba ne: “Lekelayi mvita! Numanye ne: Meme ke Mvidi Mukulu: Ndi ku mutu kua bisamba ne kua buloba bujima!”

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Dielulula 20:4

Maweja-Nangila Mvidi Mukulu wenu udi nenu. Neanuluile mvita ayi, bua nuenu kubatshimuna!”

Dibadika 14:9

Kadi, lekelayi kutombokela Maweja-Nangila. Kanutshinyi bena ditunga adi to. Netubabutule! Mvidie yabu ivuabu batekemene kayena kabidi ne bukole bua kubalama to! Kadi Maweja-Nangila udi netu. Nanku kanubatshinyi to.

Bienzedi 18:10

Bualu ndi nebe. Muntu kakukulenga bua kukuenzela bibi to. Bualu mu tshimenga etshi bantu ba bungi mbanyi!

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Misambu 46:7

Padi Mvidi Mukulu wakula, bisamba bidi bizakala, makalenga atutakana, buloba bunyungakana.

2 Bakalenga 25:26

Pashishe, bantu bonsu ne balombodi ba bena m vita, kuyabu ku Ejipitu, bualu bavua batshina bena Babilone.

Misambu 118:6

Maweja-Nangila udi nanyi, tshiena ntshina tshintu. Bantu nebangenze tshinyi?

Yirmeya 27:11

Kadi pikala bena tshisamba kampanda mua kuambula mutshi wa bupika udi mukalenga wa mu Babilone muteke pa makaya abu, bitabe ku diyi diende, nebashale mu buloba buabu. Nebasombe, badime. Ke mundi meme Maweja-Nangila ngamba nanku.