Yirmeya 4:31 - MUKANDA WA MYIDI MUKULU

³¹ Ndi mumvue muadi bu wa mukaji ukeba kulela, mikemu ya nsongakaji udi ukeba kulela muanende wa kumpala. Lubila alu ndua Siyone, udi utua mikemu, utendakana, muolole bianza ne: “Eyi, nungambuluishe, bakadi banshipa!”

Mukanda wa Nzambi Dihungila Dikulukulu ne Dihungila Dihia-dihia 2003

³¹ Bualu bua nakunvua dî bu dia mukashi udi mukuatshike ne didinyenga dia kulela, kanyinganyinga kandi bu ka mukashi udi wamba kulela muanʼandi wa diambedi. Didi bu muadi wa muana mukashi wa Siona, udi uhuyakana, udi wolola bianza biandi ne, Mulau wakunkuata! Bualu bua mutshima wanyi udi muhungile ku mpala kua banshihi banyi.

Yirmeya 4:31 交叉引用

Muadi 1:17

Nansha Siyone muolole bianza, utendakena, kakuena muntu nansha umue udi mua kumusamba. Maweja-Nangila mmumane kutumina bena mutumba ne bena Izrayele diyi, bua bashale baluishi babu. Yerushalayime mmumane kubipa munkatshi muabu.

Yeshaya 1:15

Panudi nuolola bianza bienu kulu bua kuntendelela, ndi mbuikila ku mesu bua tshimonyi. Nansha nuenu nuntendelela misangu ne misangu, tshiena musue kunuteleja to. Bualu bianza bienu bidi ne mashi a bantu tente.

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

1 Korente 9:16

Tshiena mua kuditemba, bua pandi mmanyisha bantu Lumu lua Disanka nansha. Bualu mbujitu budi bungomekela. Tshiyi ntangalaja Lumu lua Disanka, ndi muena diakabi.

Matayi 21:5

“Ambilayi bena mu Siyone ne: Ke mukalenga wenu awu udi ufika kunudi. Udi mudipuekeshe bikole, mubande pa nyama wa mpunde mukaji, ne pa muana wa nyama wa mpunde.”

Mika 7:1

Eyi! Ndi muena diakabi! Ndi bu muntu udi uya kupola bimuma, ku mitshi idibu bamane kupola, bajikija, bu muntu udi uya kukeba tumuma tua mvinyo, bena mudimu bamane kutupola tuonsu. Tshiena musangane nansha kamuma, ku mionji ya mvinyo, nansha ku mutshi wa mfiku. Eku nzala ya kudia tumuma, mvua nayi mipite!

Osheya 13:13

Nanku, bena Efrayime nebakenge, mudi mukaji ukenga pa kulela. Kadi, muana awu kakuledibua bimpe to. Pakumbana diba dia kumulela, neabenge kupatuka mu difu dia mamuende.

Muadi 2:21

Bana ne bakulumpe mbafue panshi miandanda, ku mielelu ya njila. Nsongakaji ne nsongalume yanyi idi mifue ku muele wa mvita. Wewe kubashipa dituku diuvua mufike munda, kubabutula bonsu, kuyi ubafuila luse.

Muadi 1:20

Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.

Yirmeya 50:43

Mukalenga wa ditunga dia Babilone, upeta lumu lua mvita, mu mikolu kumuteketa. Bowa kumukuata bu mukaji pa lulelu.

Yirmeya 49:24

Bena Damase nebatekete mu mikolu. Nebapingane tshianyima, banyema. Nebumvue bowa, bakenga bu mukaji udi ukeba kulela.

Yirmeya 49:22

Baluishi nebatantshile pabuipi ne Bosra mudi nyunyi wa mukanku ujinguluka mulu. Dituku adi, bilobu bia mvita bia bena Edome nebikenge bu mukaji udi pa lulelu.

Yirmeya 48:41

Nebakuate bimenga, nebabuele mu nzubu mikolesha ne bimana. Bilobu bia mvita bia bena Mowabe, bidi ne dikenga bu dia mukaji pa lulelu.

Yirmeya 45:2

— Maweja-Nangila Mvidi Mukulu wa Izrayele udi ukuambila wewe Baruke ne:

Yirmeya 30:6

Kadi ebejanganayi ne: nukadi bamone muntu mulume muimite difu mulela muana anyi? Kadi mmunyi mundi mmona bantu balume bonsu, bianza mu tshimonu bu mukaji ukenga pa kulela. Badi batokoloka mpala bu bafue.

Yirmeya 22:23

Wewe uvua musombe talalaa pa mukuna wa Lebanone. Uvua muenze disua diebe mu mutshi wa sedre. Kadi neudinyenge bu mukaji udi ukeba kulela. Neutue mikemu bikole, padi makenga akukuata.

Yirmeya 18:21

Kadi mpindiewu wanyishe bua tshiyole tshia nzala tshishipe bana babu, bua muele wa mvita ubabutule bonsu, bua bakaji babu bashale bianza bitupu, kabayi bamona bana, bafuishe kabidi babayabu. Disama dia tshiambu dikuate bantu balume, dibabutule. Bansongalume bafuile mu mvita!

Yirmeya 15:18

Kadi dikenga dianyi kadiena dijika bua tshinyi? Mudibu kabayi mua kuondapa mputa yanyi mmunyi? Mudi mputa wanyi kayi uma mbishi? Bushuwa, wewe kundinga mudi musulu mume udinga bantu badi bakeba mayi kabayi baasangana!

Yirmeya 14:18

Pandi nya ku budimi, ndi mmona amu bitalu bia bantu bavua bafue mu mvita. Pandi mpingana mu tshimenga, ndi mmona anu bitalu, bia bantu bavua bafue ku tshiyole tshia nzala. Bambi ne batuangaji badi batambakana mu ditunga, kabayi bamanye tshia kuenza.

Yirmeya 10:19

Eyi ndi ndila, dikenga ndintonde. Kabena mua kuondapa mputa yanyi minene. Meme kuela meji ne: dikenga ki ndinene menemene to. Ndi mua kudiunwua ne lutulu.

Yirmeya 6:2

Tshimenga tshia Siyone ntshimpe tshitambe. Kadi nebatshibutule.

Yeshaya 42:14

Maweja-Nangila udi wamba ne: Ndi mushale mupuwe matuku mavule. Tshiena muandamune ku dilomba dia bantu banyi. Mpindiewu nengele mbila, bu mukaji udi pa lulelu, upuyakana, weyela ne dikenga.

Yeshaya 21:3

Ke padi mubidi wanyi mujima musunsuke ne makenga. Dikenga ndinkuate, bu mudidi dikuata mukaji pa lulelu. Bindi ngunwua bidi bimpampakaja. Bindi mmona bidi binkuate bowa.

Yeshaya 13:8

Monayi bakadi bapanga tshia kuenza. Bowa ne dikenga mbibakuate. Badi badinyenga bu bakaji pa lulelu. Bakadi batangilangana, buminyine ne bowa, mpala yabu mikunze ne bundu.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Misambu 120:5

Pandi nsomba mu ditunga dia Mesheke, ne mu nzubu ya ntenta ya bena Kedare, ndiakabi dianyi.

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Genese 27:46

Ke Rebeka kuambila Izake ne: — Panu mpantonde, bualu bua bakaji ba bena Iti, badi muananyi Esawu musele. Kadi bu Yakobe mua kusela kabidi mukaji wa bena Iti, ndi mua kufua.

Yeshaya 26:17

Maweja-Nangila, tuetu kukukeba, tudila, bu mukaji udi udinyenga, udila muadi, diba dikadiye pa kulela.

Mika 4:9

— Nuenu bena mu Yerushalayime, nudi nudila nanku mpindiewu bua tshinyi? Nudi nudinyenga bu mukaji ukeba kulela bua tshinyi? Kanuena kabidi ne mukalenga anyi? Bafidi benu ba ngenyi mbamane kulua anyi?

Mika 4:10

— Eyowa! Nudinyenge, bu mudi mukaji udi ukeba kulela. Nenupatuke mu tshimenga, nenusombe mu madimi, nenuye too ne mu Babilone. Amu muaba awu ke udibu banusungidila. Maweja-Nangila neanupandishemu kudi baluishi benu.