Yirmeya 4:21 - MUKANDA WA MYIDI MUKULU

²¹ Nemmone mabendela a baluishi too ne ku diba kaayi? Nengikale anu muteleje muadi wa mpungi wa kuya ku mvita anyi?

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nentangile dibendela, nengunvue dî dia mpungi musangu bule kai?

Yirmeya 4:21 交叉引用

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

Yirmeya 4:19

Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

2 Kulondolola 36:17

Maweja-Nangila kutuma mukalenga wa Babilone bua kukuata ditunga. Bantu bonsu kushala ku bumfumu bua mukalenga awu. Mukalenga awu kushipa bena mvita bonsu too ne bavua muaba wa tshijila. Kavua mushiye muntu nansha umue ne muoyi! Bansongalume, bansongakaji, bantu bakole ne bakulakaje, kufuabu bonsu.

2 Kulondolola 36:10

Ku ntuadijilu wa tshidimu, Nebukadnesare kutuma bena mvita bua bakuate Yowakine, bamufite ku Babilone ne bintu bia mushinga mukole bia mu nzubu wa Maweja-Nangila. Nebukadnesare kusungula Sedekiya muanabu ne Yowakine, bua kushalaye mukalenga wa bena Yerushalayime ne wa bena Yuda.

2 Kulondolola 36:3

Neko, mukalenga wa bena Ejipitu, kumusha Yowakaze mu bukalenga mu Yerushalayime. Neko kututshisha bena ditunga dia Yuda tshibawu tshia biamu bitoke bia mushinga mukole kilo binunu bisatu, ne tshia tshiamu tshia mpawungi kilo makumi asatu.

2 Kulondolola 35:25

Muambi Yirmeya kuenza kasala ka madilu a lulu lua Yoshiya. Biangatshile musangu awu, too ne ku lelu, bimbi ba misambu, balume ne bakaji, bonsu badi bimba, batela dina dia Yoshiya mu miadi yabu. Bikadi bishale tshibidilu mu Izrayele. Badi bafunde Miaku ya Misambu eyi mu mukanda wa Miadi.

Yirmeya 4:20

Badi bamanyisha kabutu pa kabutu. Badi banyangakaja ditunga dijima. Nzubu yetu ya ntenta badi bayishimbula, bapanda bilamba biayi diakamue.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yirmeya 42:14

Tudi mua kuya kuasa mu Ejipitu mutudi katuyi mua kumona mvita, katuyi mua kumvua miyenga ya miadi, katuyi mua kufua nzala. Ke kutuaya kusomba.