Yirmeya 4:19 - MUKANDA WA MYIDI MUKULU

¹⁹ Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ndi nyingalala! Ndi nyingalala! Ndi ne kanyinganyinga tô ne ku mutshima wanyi mene! Mutshima wanyi udi ukumakuma munda muanyi; tshiena mua kuhuwa talalâ; bualu bua wewe, mutshima wanyi, wakumpa dî dia mpungi, didi dibisha bantu bua kuluanganabo nvita.

Yirmeya 4:19 交叉引用

Abakuke 3:16

Pandi ngumvua tshiona atshi, bowa kunkuata bikole bipite, mishiku kungomba, mifuba kunwingutuka, mikolu kunzakala. Kadi ndi anu mutukije muoyi, muindile dituku diudi mua kunyoka bonsu bayua batukengesha, baunyanga.

Yeshaya 22:4

Ke pandi nkuambila ne: “Kutangidi bualu buanyi to. Undekele, ndile bikole. Lekelayi kuditatshisha bua kunsamba, bua bana betu bonsu bavuabu bashipe.

Yeshaya 16:11

Ke pandi ndidila bena Mowabe, ne kanyinganyinga, ne muadi bu wa lunzenze. Muoyi wanyi udi ujinga Kire-Erese.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yeshaya 21:3

Ke padi mubidi wanyi mujima musunsuke ne makenga. Dikenga ndinkuate, bu mudidi dikuata mukaji pa lulelu. Bindi ngunwua bidi bimpampakaja. Bindi mmona bidi binkuate bowa.

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

Danyele 8:27

Diba adi, meme Daniyele, kupungila, kuteketa, disama kunkuata manga matuku. Meme mumane kusanguluka, ke meme kubanga tshiakabidi kukuatshila mukalenga mudimu. Ntshivua amu mpampakana bua bivua Mvidi Mukulu mundeje, bualu tshiwa mubijingulule to.”

Danyele 7:15

“Meme Daniyele, bowa kunkuata. Muoyi wanyi kulubakana munda, bualu malu avua Mvidi Mukulu undeja avua ankuatshisha bowa.

Yeshaya 15:5

Ndi ndila, nkeba badi mua kuambuluisha bena Mowabe. Bena Mowabe badibu bipata, badi banyema too ne ku Soware, ne ku Eglate-Shelishiya. Badi benda babanda ku Lukite. Bakuabu badi banyema ku njila wa ku Oronayime, bela mbila ya dikenga.

Misambu 116:7

Muoyi wanji kubutama, bualu Maweja-Nangila mmungenzele bimpe.

Rome 10:1

Bana hetu, ndi njinga ne muoyi wanyi mujima, ndomba kudi Mvidi Mukulu, bua bena Yuda bapete lupandu.

Amosa 3:6

Badi mua kuela mpungi wa mvita mu tshimenga, bantu kabayi bakuatshika bowa anyi? Tshipupu tshidi mua kukuata tshimenga, Maweja-Nangila kayi mutshitume anyi?

Danyele 7:28

“Apa ke ndekelu wa bualu ebu. “Meme Daniyele, mvua mukuatshike bowa bua bungi. Mpala wanyi kutokoloka. Meme kutuluka bualu ebu diba dionsu mu muoyi wanyi.”

Muadi 2:11

Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Muadi 1:16

Ndi ndila bua makenga aa, mpuekesha binsonji bianyi tshiyi ndekela. Udi mua kunsamba, kunkankamika udi kule. Bana banyi badi mu dikenga, bualu muluishi mmumpite bukole.

Yirmeya 23:9

Ke miaku ya Yirmeya idi itangila bambi. Ndi ne kanyinganyinga, ndi nzakala mubidi mujima, ndi bu muntu mukuatshike maluvu, bu muntu uvua munue mvinyo mupite bungi. Anu bualu bua Maweja-Nangila, bualu bua Mvidi Mukulu wa tshijila, ne bua malu adiye mungambile ne:

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 4:21

Nemmone mabendela a baluishi too ne ku diba kaayi? Nengikale anu muteleje muadi wa mpungi wa kuya ku mvita anyi?

Yirmeya 4:5

Umanyishe bena Yuda ne: baluishi bakadi pabuipi. Udimuje bena Yerushalayime. Wele mpungi mu ditunga. Ela mbila ne diyi dikole, ubambile ne: nudisangishe mu bimenga bidibu bakoleshe ne bimana.

Misambu 146:1

Tumbishayi Maweja-Nangila, Aleluya! Muoyi wanyi tumbisha Maweja-Nangila!

Misambu 119:136

Ndi ndila, binsonji bipueka, pandi mmona bantu kabayi balama mikenji yebe.

Misambu 119:53

Tshiji tshidi tshinkuata pandi mmona bantu babi, babenga mikenji yebe.

Misambu 103:1

Musambu wa mu mukanda wa misambu ya Davide. Ndi musue kuela Maweja-Nangila tuasakidila, ndi musue kuela Mvidi Mukulu tuasakidila ne muoyi wanyi onsu.

Misambu 16:2

Ndi nkuambila ne: “Wewe ke Maweja-Nangila, bilenga bionsu bindi nabi mbifume kuudi.”

Balombodi 5:21

Musulu udi upueka bidimu ne bidimu, musulu wa Kishone, kubutula baluishi. Tuyayi mu mvita ne dikima!

Dibadika 10:9

“Panudi nuya ku mvita mu ditunga dienu bua kuluisha bena lukuna benu, nuele mpungi ne bibingu bia mvita musangu umue. Nanku, Meme Maweja-Nangila Mvidi Mukulu wenu nennuvuluke. Nennusungidile mu bianza bia baluishi benu.

Genese 49:6

Tshiena musue kubuela mu bifufu bidibu bela. Tshiena musue kubuelakana nabu to. Bualu bavua bashipe bantu bua tshiji. Bavua bakose bibelu bia ngombe milume bua kudisankisha patupu.

1 Korente 14:8

Padi muntu wela mpungi kayi umanyisha bualu patoke, wadilongolola ku mvita nnganyi?

Yirmeya 6:24

Patuvua bumvue lumu lua mvita ayi, tuetu kuteketa mu maboku. Tuetu kutshina bikole, anu mudi mukaji ukenga pa lulelu.

Yirmeya 8:21

Dikenga dia bantu banyi bena Izrayele, ndintonde bikole. Ndi mu madilu. Ndi mu dikenga.

Yirmeya 42:14

Tudi mua kuya kuasa mu Ejipitu mutudi katuyi mua kumona mvita, katuyi mua kumvua miyenga ya miadi, katuyi mua kufua nzala. Ke kutuaya kusomba.

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Yirmeya 50:22

Bantu bakadi bumvua mutoyi wa mvita mu ditunga. Kabutu kakadi pabuipi!

Danyele 4:19

Mukalenga, mutshi awu ngwewe! Wewe kudiunda, kukola. Bunene buebe kupita, kutua mu diulu. Bukalenga buebe kutanta, kufika ne ku ntengu ya buloba.

2 Bakalenga 4:19

Diakamue muana kudila, wamba ne: — Eyi tatu! Mutu wanyi! Mutu udi usama! Tatuende kuambila muena mudimu ne: — Muambula, umufile lukasa kudi mamuende.

2 Bakalenga 8:11

Diakamue, muambi Elisha kulengama, mpala wende kubinduluka. Kutuadijaye kudila.

Yeshaya 21:4

Tshiena kabidi ne dikanda. Bowa budi bungenza. Mvua muindile kapepa katalale ka ku dilolu, kadi dilolu kumfikila amu ne bowa.

Yirmeya 8:18

Ndi ne kanyinganyinga kakole. Kakuena mushindu wa kujikija kanyinganyinga kanyi to.

Muadi 1:20

Maweja-Nangila, tangila bukole bua dikenga dindi nadi, ne bunene bua kanyinganyinga kadi kantonda. Ndi ne dipampakana dikole munda muanyi, bualu mvua mukutombokele bibi. Mu njila, bana banyi kufua ku muele wa mvita. Nansha mu nzubu mudi amu lufu.