Yirmeya 4:14 - MUKANDA WA MYIDI MUKULU

¹⁴ Yerushalayime, pawikala musue kupanda, ulekele lonji bebe. Neulekele meji mabi audi nawu diba kaayi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yirmeya 4:14 交叉引用

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

Bienzedi 8:22

Lekela meji mabi auvua nawu. Utendelele Mfumu, bua, bu biobi mua kuenzeka, akufuile luse, bua meji mabi auvua muele.

Yeshaya 55:7

Muntu mubi alekele njila yende mibi. Udi kayi ne meji makane, alekele meji ende mabi! Bantu bapingane bonsu kudi Maweja-Nangila, bualu neabafuile luse! Bapingane kudi Mvidi Mukulu wetu, bualu neabalekele mibi yabu!

1 Korente 3:20

Mukanda udi wamba kabidi ne: “Maweja-Nangila udi ujingulula meji adi bantu bela, udi mumanye ne: adi a tshianana.”

Rome 1:21

Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Luke 11:39

Ke Mfumu kumuamba ne: — Ke munudi nuenu Baparushe: nudi nusukula dikopu nansha dilongu panyima, kadi munda muenu mudi muwule tente ne lukuka lua bivi, kabidi ne tshikisu.

Yirmeya 13:27

Ndi mbenga malu ebe a bundu, ne tuseku tuebe tuakulobesha natu bantu, tshiendenda tshiebe tshia bundu. Mvua mumone pa mikuna ya mu ditunga mvidie yebe idi kufuisha bundu! Yerushalayime, udi muena diakabi! Neudilengeje diba kaayi?

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Misambu 66:18

Bu meme ne meji mabi munda, Mvidi Mukulu kavua mua kunteleja to.

Matayi 12:33

— Wewe musue kupeta bimuma bimpe, wikale ne mutshi muimpe. Wewe ne mutshi mubi, neupete bimuma bibi. Bualu badi bamanyina mutshi ku bimuma biawu.

Yezekiyele 18:31

Lekelayi kuenza malu mabi. Akajayi mioyi yenu, ne lungenyi luenu. Nuenu bena Izrayele nudi basue kufua bua tshinyi?

Misambu 119:113

Ndi mubenge mioyi ibidi, ndi munange mikenji yebe.

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Yirmeya 2:22

Izrayele, nansha wewe muowe mayi ne nsabanga, nansha wewe mudilabe nsabanga wa bungi, bubi buebe kabuena bujimina to. Budi amu bumueneka pambidi pebe pandi nkutangila. Meme Maweja-Nangila Mvidi Mukulu, ndi njadika nanku.

Yirmeya 6:19

Bantu bonsu ba pa buloba, telejayi: Nenkengeshe bantu aba bua kubanyoka bua buenzavi buabu. Bavua bapepeja bionsu bimvua mbambila. Bavua babenga meyi anyi.

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Zekâya 8:17

Kanuedi meji a kuenzelangana bibi. Nulekele kutshipa mitshipu ya dishima, bualu meme Maweja-Nangila tshiena muanyishe malu a nanku.”

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yowanane 13:9

Simone Petro kumuandamuna ne: — Nanku, Mfumu, kungoweshi anu ku makasa nkayaku to! Ungoweshe kabidi ku bianza ne ku mutu!