Yirmeya 39:9 - MUKANDA WA MYIDI MUKULU

⁹ Pashishe, Nebuzaradane, mfumu wa bena mvita balami ba mukalenga, kukuata bantu bavua bashale mu tshimenga ne bavua badifile kudiye, too ne bena midimu ya bianza bavua bashale.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Hashishe Nebuzaladana, kapitene ka bansentedi ba masalayi, wakaya ne bantu bakashala mu musoko mu buhika ku Babulona, ne bakadi badifila kudiye, ne bantu bonso bakadi bashala.

Yirmeya 39:9 交叉引用

Yirmeya 40:1

Nebuzaradane, mfumu wa bena mvita balami ba mukalenga, mumane kuanyisha bua Yirmeya umuka ku Rama, Maweja-Nangila kuyukila ne Yirmeya. Yirmeya musuike ne nkanu, uvua usomba munkatshi muabena Yerushalayime ne bena Yuda bavuabu bakuate bua kuya nabu mu Babilone. Muine muaba awu ke kuvua mfumu wa bena mvita balami mumushe Yirmeya ku tshisumbu tshia bantu bavuabu ne bua kuya nabu.

Genese 37:36

Bena Madiyane kusumbisha Yozefe mu Ejipitu kudi Potifare, muntu uvuabu batekemena bikole kudi Mukalenga wa bena Ejipitu. Uvua kabidi mulombodi wa bena mvita bende.

Yirmeya 52:26

Nebuzaradane uvua mubafile kudi mukalenga wa bena Babilone uvua mu Ribla.

Yirmeya 10:18

Maweja-Nangila udi wamba ne: Mpindiewu mona, nengipate bantu bonsu badi mu ditunga. Nembatutshishe bikole kabakupanda to.

2 Bakalenga 25:20

Nebuzaradane kuya nabu mu tshimenga tshia Ribla kudi mukalenga wa bena Babilone.

2 Bakalenga 25:11

Pashishe, bantu bonsu bavua bashala mu Yerushalayime, Nebuzaradane kuya nabu ku Babilone: bonsu kudifila kudi mukalenga wa bena Babilone, kabidi ne bena midimu ya bianza, batshivua bashale.

Yirmeya 16:13

Nenku nennuipate mu ditunga edi, bua nuye mu dikuabu, divua baledi benu kabayi bamanye, dinuvua nuenu mene kanuyi bamanye. Kuine aku nenutendelele munya ne butuku mvidie ya bantu ba bisamba bikuabu. Kadi meme tshiakunuenzela kabidi bualu buimpe nansha bumue.”

Yeshaya 5:13

Ke padi Maweja-Nangila wamba ne: “Tshisamba tshianyi, nebaye natshi mu bupika, bualu katshiena tshiumvua bualu nansha bumue. Bamfumu batshi nebafue nzala, bantu batshi bonsu nebafue nyota.”

2 Bakalenga 20:18

Nebakuate kabidi bantu ba ku ndelanganyi yebe, baye nabu mu Babilone, bua kubapakula bua bikale benza mudimu mu nzubu wa bukalenga, wa mukalenga wa bena Babilone.”

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Yirmeya 24:8

Kadi Sedekiya, mukalenga wa bena Yuda, balombodi bende ba mu bukalenga, bantu bavua bashale mu Yerushalayime, kabidi ne bonsu bavua baya kusomba mu Ejipitu, nembenzele mudibu benzele bimuma ba mfiku bimane kubola, kabayi mua kubidia.

Yirmeya 38:19

Mukalenga Sedekiya kumuandamuna ne: — Bowa budi bunkuata bua bena Yuda bavua badifile kudi bena Babilone. Ndi ntshina ne nebainfile kudi bantu abu bua bampetule.

Yirmeya 52:27

Ke mukalenga awu kubashipesha anu muaba awu mu ditunga dia Amate. Ke muvuabu bakuate bena Yuda baye nabu kule mu ditunga dia bende.

Yirmeya 40:7

Mu misoku ya ku mpenga mutshivua bisumbu bia bena mvita ba bena Yuda. Balombodi ba bisumbu bia bena mvita abi, ne bantu babu, bavua bumvua muvua mukalenga wa Babilone musungule Ngedaliya, muana wa Akikame, bua ikale mulombodi wa ditunga, muvuaye kabidi mumupeshe bapele, balume, bakaji, ne bana bavuabu kabayi mua kuya nabu mu Babilone.

Danyele 2:14

Pashishe Ariyoke, mulombodi wa bena mvita ba mukalenga, kupatuka bua kuya kushipa bena meji ba mu Babilone. Daniyele kuyukila nende, ne meji ne budimu bua bungi. Kumukonkaye ne: mukalenga mmukoleshe tshilumbu nanku bua tshinyi? Ke Ariyoke kulondela Daniyele bualu bujima.