Yirmeya 30:8 - MUKANDA WA MYIDI MUKULU

⁸ Maweja-Nangila wa bukole buonsu udi wamba ne: Pafika matuku awu, nentshibule mutshi wa bupika udi pa makaya abu. Nenkose mionji yabu. Nanku kabakuikala kabidi bapika ba bantu bakuabu to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wa misumba udi wamba ne, Mu dituku adi nentshibule mutshi wa tshikokedi bua kûmusha mu nshingu yabo, nentshibule nkanu yabo; bantu ba bende kabena babenzesha mudimu bu bahika babo kabidi,

Yirmeya 30:8 交叉引用

Yezekiyele 34:27

Mitshi neyikuame bimuma. Buloba nebumeneshe biakudia. Muntu yonsu neasombe talala mu ditunga. Nensulule nkanu idibu basuika bantu banyi. Nembapikule kudi bavua babakuate ku bupika. Nanku nebajadike ne: meme ndi Maweja-Nangila.

Nahume 1:13

Ndi nnupikula mpindiewu, ku bupika bua baluishi benu, nkosa nkanu idibu banusuika.”

Yirmeya 27:2

— Udienzele mabaya, kabidi ne mionji, mitshi ya kuambula nayi bujitu. Uyambule pa makaya.

Yeshaya 9:4

Bisabata bia baluishi bidi bizakaja buloba, binkutu biabu binyanguke ne mashi, nebabioshe mu kapia, babishidisha.

Yirmeya 28:10

Nanku, muambi Ananiya kuangata mutshi wa kuambula bujitu uvua muambi Yirmeya muambule pa makaya, kuutshibula.

Yirmeya 28:13

— Uye kuambila Ananiya ne: Maweja-Nangila udi wamba ne: “Bu muudi utshibula mutshi wa dibaya nenku, nempingaje mulonda.”

Yirmeya 27:7

Matunga onsu neikale ku bumfumu buende, ku bumfumu bua muanende, ne bua muikuluende. Kadi tshikondu netshifike tshidi baluishi bakuata ditunga diende. Nedishale ku bumfumu bua matunga adi madipite ku bukole. Mukalenga wadi neikale ku diyi dia bakalenga badi bamupita bukole.

Yirmeya 25:14

Nanku bena Babilone kabidi nebabuele ku bumfumu bua bantu ba bisamba bikuabu, ne bua bakalenga banene. Nembasombuele ku malu mabi onsu avuabu benze.”

Yirmeya 2:20

Maweja-Nangila udi wamba ne: Wewe Izrayele, kukadi matuku a bungi audi mumbenge, muntombokele, wamba ne: “Ndi musue kudisombela.” Ke paudi ulala miaba yonsu pa mikuna, ne muinshi mua mitshi idi ne dileji dia bungi, bu mukaji muena tshiendenda.

Yeshaya 14:25

Nenyangakaje bukole bua bena Ashure, mu buloba buanyi meme. Nembudiatakaje pa mikuna yanyi. Nenjikije tshinyangu, tshidibu banyanga natshi bantu banyi. Nengumushe bujitu bunene, budibu babambuishe.”

Yeshaya 10:27

Dituku adi, neakumushile bujitu budi bukunemenena pa makaya. Neakupepejile mutshi uuvua wambula nawu bintu bia bujitu pa dikaya diebe. Bena mvita ba bena Ashure badi baya mu Samariya,

Yirmeya 28:4

Nempingaje kabidi mu ditunga diabu Yekonya, muana wa Yoyakime, mukalenga wa bena Yuda, too ne bantu bonsu bavuabu bakuate baye nabu mu Babilone. Ke mundi meme Maweja-Nangila ngamba. Eyowa, nentshibule mutshi wa bupika udi mukalenga wa mu Babilone muteke pa makaya enu.”

Misambu 107:14

Kubapatulaye mu nzubu wa lukanu wa miidima, kutshibula nkanu yabu.

Yezekiyele 30:18

Butuku kabuakutshia ku Tapanese, tshiyi muanji kubutula bukole bua bena Ejipitu. Nenjikije ditambisha divuabu nadi. Divuba nedifike dibuikile tshimenga. Bantu ba mu ditunga nebaye mu bupika.

Yeshaya 14:1

Bushuwa, Maweja-Nangila nealeje tshiakabidi mudiye munange ndelanganyi ya Yakobe, mudiye musungule bena Izrayele. Neapingaje bantu bende mu matunga abu. Bantu benyi nebadisange kudibu, nebapetangane ne bena tshisamba tshia Yakobe.

Yeshaya 14:3

Maweja-Nangila neapatule bena Izrayele mu bupika. Bobu bamane kupitshila mu makenga ne ntatu, nebapete dikisha.